Wapenrusting van God预览

Lees: 1 Johannes 5:4–5

SOAP: 1 Johannes 5:4–5

"Want enigeen wat 'n kind van God is, kan die sondige wêreld oorwin. En die oorwinning wat ons oor die wêreld behaal het, is deur ons geloof. Wie anders is dit wat die wêreld oorwin as hy wat glo dat Jesus die Seun van God is?"

Oordenking

Daar is 'n kragtige verband tussen geloof en verlossing. As kinders van God deel ons in God se oorwinning oor die wêreld en alles wat in die wêreld is. Deur ons geloof in Jesus Christus te plaas, word ons die krag gegee om enige struikelblok wat oor ons pad kom te oorkom. Ons ontvang die krag om elke dag met vertroue tegemoet te gaan, in die wete dat dit nie saak maak wat gebeur nie, ons is nie alleen nie.

Ons kan nooit die krag van ons geloof onderskat nie, want deur Christus is ons meer as oorwinnaars (Sien Romeine 8:37). Ons geloof is 'n totale steun op wat ons weet waar is, selfs al sien ons dit nog nie. Ons geloof in God en sy Woord is die geheim van oorwinning in al ons gevegte.

Ons moet nooit vergeet dat dit deur geloof was wat Noag, Abraham, Moses, Ragab en baie ander oorwin het nie. Deur geloof het elkeen van hulle God op sy Woord geneem en in gehoorsaamheid vorentoe gestap, en deur geloof kan ons dieselfde doen. Soos hulle stel ons nie ons vertroue in onsself of in ander mense nie, maar ons berus ons slegs in God, sy getrouheid, beloftes en – bowenal – sy reddingswerk deur Jesus Christus.

Mag ons nie moedeloos word deur ons beproewinge en onsigbare gevegte nie. Kom ons neem eerder ons skilde van geloof op, wetende dat ons meer as oorwinnaars is as gevolg van wie ons in Christus is.

Gebed

Liewe Jesus, dankie dat U die wêreld oorwin het en ons die krag gee om dit ook te doen. Dankie dat U ons toegelaat het om te deel in u oorwinning oor hierdie wêreld. Help ons om vorentoe te stap deur geloof soos Abraham, Ragab en vele ander. Amen.