Gba ohun èlò náàMá ṣe àníyàn ohùn kankanÀpẹrẹ
Bí O Ṣe Lè Borí Àníyàn
Jésù kò fi wá sílẹ̀ nínú àníyàn wa. Ó mọ̀ pé a máa dojú kọ ọ́, ó sì ti fún wa ní ìlànà tí a lè tẹ̀ lé nígbà tó bá dé bá wa. A kò fi wá sílẹ̀ láì ni ìrànlọ́wọ́. Ọ̀pọ̀ ọgbọ́n tó wúlò gan-an ló wà nínú Bíbélì nígbà tí wàhálà bá dé.
Jẹ́ ká ṣàyẹ̀wò ohun tó wà nínú Fílípì 4:6-7.
Àgbàyanu! A ní ọ̀nà tí a lè gbà borí àníyàn èyí tí a kọ sínú Ìwé Mímọ́!
Àníyàn + Àdúrà (Àwọn Àìní + Ọpẹ́) = Ìbàlẹ̀ Ọkàn.
Nígbà tí ìwé àti sinwó bá dé- gbàdúrà. Ẹ dúpẹ́ lọ́wọ́ Ọlọ́run fún owó tó ń wọlé fún yín àti gbogbo ohun tí Ó ti ṣe nínú ọ̀ràn ìṣúnná owó yín.
Nígbà tí wọn kò tíì délé - gbàdúrà. Ẹ dúpẹ́ lọ́wọ́ Ọlọ́run fún àjọṣepọ̀ àti ìfẹ́ tí ẹ ní.
Nígbà tí ọmọ rẹ bá kọ́kọ́ lọ sí ilé àbójútó ọmọdé - gbàdúrà. Dúpé lọ́wọ́ Ọlọ́run fún ẹ̀bùn ọmọ àti ìpèsè ilé ìtọ́jú àwọn ọmọdé.
Lẹ́yìn tí o bá ti gbàdúrà, tí o dúpẹ́, tí o sì sọ ohun tí o nílò, jẹ́ kí àlàáfíà tí Ọlọ́run nìkan ṣoṣo lè fúnni wá sórí rẹ.
Ó lè máà tètè dé, o lè ní láti padà tọ Ọlọ́run lọ nípasẹ̀ àdúrà, àmọ́ èsì yóò dé. Ọlọ́run ti ṣèlérí rẹ̀.
Ó lè máa ṣe wá bíi pé kí á mú ẹ̀ro ìbánisọ̀rọ̀ wa tàbí ká sọ ohun tó ń jẹ wá lọ́kàn fún ẹnìkan. Àkókò àti ààyè fún èyí wà. Àmọ́, ọ̀nà tó dára jù lọ tá a lè gbà borí àníyàn ni pé kí á kọ́kọ́ tọ Ọlọ́run lọ. Kì í ṣe pé èyí ń bọlá fún Ọlọ́run tí ó sì ń bùkún fún-Un nìkan, àmọ́ ó tún bá wa dẹ́kun kí àníyàn máa pọ̀ sí i.
Ọlọ́run bìkítà, ẹ̀yin ọ̀rẹ́. Ó fẹ́ kí á wá sí ọ̀dọ̀ Òun dípò tí aà bá fi máa jókòó sínú ọ̀gbun àníyàn tí kò ní òpin. (Ka 1 Pétérù 5:7.)
Ohun àgbàyanu tí ó wà nínú ìṣirò tí a rí nínú ìwé mímọ́ ni pé a lè lò ó níbikíbi, nígbàkigbà. Nígbà tí ìgbàgbọ́ wa bá dá lórí àjọṣepọ̀, tí kì í ṣe ẹ̀sìn kan, a mọ̀ pé a lè tọ Ọlọ́run lọ nípasẹ̀ àdúrà, nígbàkigbà tí àníyàn bá yọjú.
Àníyàn + Àdúrà (Àwọn Ohun Tá A Nílò + Ọpẹ́) = Ìbàlẹ̀ Ọkàn.
Má ṣe jẹ́ kí ọ̀tá gbà ìdùnnú ọjọ́ òní lọ́wọ́ rẹ. Kó àwọn àníyàn rẹ lé Jésù lọ́wọ́ kí o sì jẹ́ kí Ó fi àlàáfíà kún inú rẹ.
Ìgbésẹ̀ Tó Kàn
Bíi ti ọjọ́ àkọ́kọ́, a máa ṣe àkọ́sórí ẹsẹ Bíbélì kan tí yóò ràn wá lọ́wọ́ láti borí àníyàn.
Ka Fílípì 4:6-7. Máa kàá títí oó fi mọ̀ọ́ dáadáa.
Ní báyìí, nígbàkigbà tí o bá ń ṣàníyàn, wàá rí ẹsẹ Ìwé Mímọ́ kan tí yóò ràn ọ́ lọ́wọ́ ní àkókò yẹn.
Ìwé mímọ́
Nípa Ìpèsè yìí
Àníyàn máa ń gba àkókò wa, ó máa ń gba agbára wa, ó sì máa ń gba ìbàlẹ̀ ọkàn wa. Kí wá ni ìdí tí a fi ń ṣe àníyàn? Nínú ìfọkànsìn ọjọ́ mẹ́ta yìí, a óò wo àníyàn, ìdí tí a fi ń ṣe é, àti bí a ṣe lè jáwọ́ nínú rẹ̀.
More
