Esaburi 42
42
ESITAU SIA KHAVIRI
Esab. 42—72
Esala Liomunju Werukhira Mumboe
Khu omwembesi. Olwembo Lwavana va Kora.
1Nga ekhisi yekombanga amachi kesovere,
omwoyo kwange kwosi kukhwekomba, Ewe Nyasaye.
2Omwoyo kwange kuli nowuluwo khu Nyasaye,
khu Nyasaye olimwoyo.
Ese enache lina,
mbonekho oweni wa Nyasaye?
3Amasika kange kekholire esiokhulia siange esiro nesiteche,
avanju navo vanjeva wuli lwosi,
“Nyasaye wuwo alina?”
4Ekhewulira evinju vino,
nowusiva mumwoyo kwange:
nga nachia nesituma,
navemirira okhuchia munju ya Nyasaye,
nengalakasa chiowusangafu nivemba enyembo chiokhukhupa ochio,
esituma siavanju nivakhola esambo.
5Overeye sina, ewe omwoyo kwange,
ne mbo sina nunyakhana mwise?
Ove nowunayi mu Nyasaye, sikira njia okhumufumia nundi,
6omuyeti wange nundi Nyasaye wange.
Ndi nesivera mumwoyo kwange,
khanu ndikhukhukhewuliranga
okhuchula musialo sia Yordani nende esia Hermoni,
okhuchula musikulu sia Mizari.
7Vanjumiye emikhula kiamachi,
kiwolola ngamachi kakwa mwikhupo.
Emikhula kikio kiosi namase kamachi viaminyire.
8Musiteche OMWAMI kanjumiranga owusimi wuwe wa wuli lwosi;
ne musiro olwembo lulwe luli nange,
esala khu Nyasaye wowulamu wange.
9Mbolera Nyasaye, olwanda lwange:
“Sikira sina niwunjivirira?
Mbo sina ngendakenda nindira sikira eminyakho kiomusiku?”
10Ochi fwana ndi nekonjo lichawona mumuviri kwange,
avasiku vange vachianakana okhuminakirira,
nivambolera wuli lwosi,
“Nyasaye wuwo alina?”
11Mbo sina nuvereye, omwoyo kwange,
ne mbo sina nunyakhana mwise?
Va nowunayi mu Nyasaye, sikira njia okhumufumia nundi,
omuyeti wange nundi Nyasaye wange.
Àwon tá yàn lọ́wọ́lọ́wọ́ báyìí:
Esaburi 42: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024