Esaburi 43
43
Esala Liomunju Werukhira mu Esivala sindi
(Esab. 42)
1Mbonokose, Ewe Nyasaye,
mana wuninde okhuchula khuvanju vachamanya Nyasaye;
nanule okhuchula muvanju vowuveyi navavi!
2Sikira ewe niwe Nyasaye oyu nekisangamo;
sikira sina ni wasukunire?
Mbo sina ngendakende nindira sikira eminyakho kiomusiku?
3Ewe, chuma owulafu wuwo nowung'ali;
lekha vinyimirire,
lekha vimbire khusikulu sisio esichwenufu
nundi muwumenyo wuwo!
4Mana njiakhuchia khuwaali wa Nyasaye,
khu Nyasaye, esiekhoyero siange sivichirifu,
nenjia okhukhufumia owukhana,
Ewe Nyasaye, Nyasaye wange.
5Mbo sina nuvereye, mwoyo kwange,
ne mbo sina nunyakhana mwise?
Va nowunayi mu Nyasaye; sikira njia khumufumia nundi,
omuyeti wange nundi Nyasaye wange.
Àwon tá yàn lọ́wọ́lọ́wọ́ báyìí:
Esaburi 43: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024