Lukasi Phrinzangpo IX.
IX.
1Ni, khos de chunyispoa yong zere khyongse khonga dreun saqika yang nadun saq noro chhachi bashan sals. 2Yang khong Ashipi rgyastrid gochukpa yang mirdekhanunla noro rde chukpa tangs. 3Yang khos khonga mols : Lami phya chang ma khyershik, hana berka, hana khyalbu, hana ṯaki, hana rshmul, hana goncha nyisnyisang majaqshik. 4Yang gakhangmeang juksna denoang dukshik, yang deneang na bingshik! 5Yang ga rgyalsi miunis khyantang ḏonpo mabasna de rgyalsiangna bingtsana khongika chhebji chhachi mingna rangi kangmi sasuppo sprukshik! 6Ni, khong bingse grong-gronga phrinzang gochugen yang malsa saqa noro chhachugen Khor.
7Ni, yuli po jbji pochigi rgyalchosbakhan Herodesla, khos baskhan saqi speraun gose droqs, chiazerbana khachigis Yoannes shiskhanuniangna sone langsed zere spora tangedpin. 8Yang khachigisang Elyas ngonsed (zero zes); yang khachigisang dunmi khyenkhanuniangna chikchik sone langsed (zere zorod-pin), 9Yang Herodesis zos : Nga Yoannosi go chade phangchuksed, ni dare khoe rshmangeang ngâ di speraun gokhanchik kho su in ? Yang khos khona thuktuk sams.
10Yang phrin-khyod-chuk-khanunis loqso yongse baskhanun jung Yeshua shads; yang khong nyambo khride Bethsaida zerkhan rgyalsa chigi thangstongoang skyods. 11Ni, dare dyu rshtaḵẖspa chhana mibongsun khoe jukna song, yang kho (thaden) khong nathuk yang khonga Ashipi rgyastridi phrinpo molba zads, yang noro chhachukpa rgoskhanun noro chhachuks. 12Ni, nyimao rgaspa ryaḵẖs, ni, de chunyispo yongse khoa jus, di mibongsun ljongs jbjikoe grong-dusauniang brangsa stadpi yang zachi gralbe mingna chhachuks, chiazerbana ngantang dika thangstpng chigiang yod. 13Amma, khos khonga mols : Khyentes khonga zacha tangshik! Ni, khongis jus : Ngacha songso dyun saqi phya rgyaḵẖs nyose khyongse mene ngachi der ṯaki qa nang nya nyis mana med. 14Chiazerbana khong mi stong qa tsek yodpin. Ni, khos rangi lzadrulbakhan-unla mols : Khong sâ dukchukso qabchui thsiruniang jaqshik. 15Yang khongis dyana tsoḵẖspo bas, yang khong saq sâ dukchuks. 16Ni, khos de ṯaki qao nang nya nyiska khurs. Yang rshnami rolla zikse dounika Ashipi shazdo phya ju bas, yang chaqse mibongsuni dunla jaqpi mingna rangi lzadrulbakhanunla tangs. 17Khongis zos, yang jung drangs; yang khongis zose luskhan chnaqpo tsepo chunyis lene khyes.
18Yang kho, khorang tsa dukse laqpa zunen yodtsana ḏinḏek song, nyambo yodkhan khuri lzadrulbakhanunla tris : Sharbaunis ngari luksiang chi zered ? 19Ni, khongis tamlaniang jus : Baptisma tanĝkhan Yoannes (in zered); ni khachigis Elias (in) zered; ni khachigis dunmi khyenkhan un-i-ang-na chikchik sone langsed (zered). 20Ni, khos khonga mols : Amma, Khyentes ngi luk-siang chi zered ? Petrosis tamlaniang jus : Ashipi Sale pheskhanpo! 21Ni, Yeshus dyu suâng ma zer zere thsathsa base khonga dyu zeren mols : 22Mi-i Buthsa-a naḵẖs, mangmo thongchao yang chhimi miun nang koheni gowaun nang chhos-zbrikhanunis kho phingse tangchao yang kho sade phangse jaq sumi jaqa sone langshao thsathsa in. 23Ni, khos junga mols : Taqdir su ngi jukna yongma thadedna, khos ranga men zerchukshik, yang jaqtang rangi kaṯo shingpo khurchukshik, yang ngi lzâ yongchukshik! 24Chiazerbana, sus rangi stroqpo strungnuk samsna khoa do storuk; amma, sus ngi mingna rangi stroqpo skyalsna kho stroqpo strungse lusuk. 25Chiazerbana taodir miga miyulpo saq thobna yang rangi stroqpo jikna hana storna, ni khoa chi phankye chhok ? 26Chiazerbana su ngâ yang ngi tamunla khrelna rang nang rangi ati nang rtsangma Ashipi skopauni chhezbreliang skyodtsana Mi-i Buthsa-ang khoa khreluk. 27Ni, mantaḵẖsika ngas khyentanga zered : Dika langse yod-khanuniangna khachik Ashipi rgyastridpo thongse mene shiluksi nyamlen michna.
28Ni, di tamuni jaq rgyadi jukna ḏinḏek song : Yeshu Petros nang Yoannas nang Yakobos rang nyambo khride rîka (Ashipa) laqpa zunma skyods. 29Yang kho laqpa zunen yodtsana ḏinḏek song; khoe rdongi zostao gyur, yang khoe gonchao karpo karzang song. 30Yang ltos, kho nanyambo spera tangma mingga nyis yodsuk, khong Moshes nang Elyas inmin. 31Khong nyiska chhezbreliang ngone kho Yerusalemiangna gyoqspa nongshi luksiang spera tangen yodpin. 32Amma, Petros nang khoe phropaunla ma rshanṯe nyid yongse yodsuk, yang rgyala nyid thsadpana khoe chhezbrelpo nang kho nanyambo langse yodkhan de mi nyiska thong. 33Yang khong nyiska Khona barbetsana ḏinḏek song : Ranga chi zered zere rshtaḵẖspa medpa, Petrosis Yeshua jus : Kasa Ashipa, ngantang dir dukchao noro in, yang ngachâ zbra sum rchochugang, chikchik yeri phya, chikchik Moshê phya yang chikchik Elyasi phya… 34Ni, khos di speraun zeren yodtsana chhopo sprinis yongse khontika grimaqs bas; yang khong spriniang tumse chhao thongmana jiks. 35Yang sprinpoeangna kus chikchik dyu zeren yongs : Dyu Ngi sale pheskhan Rshraspo in, khyentes khoa nyanshik. 36Yang kuspo yongmachikna Yeshu khorang tsa chikpar thong, Yang khonga ranga songse jaqs; yang khongis khontanga thongkhanun de jaqu-niang yang suâng ma shads.
37Ni, ejaqa ḏinḏek song : Khong rî na babsena chhopo mibongshik Yeshua suse yongs. 38Yang ltos, mibongsiangna michikchigis kri base jus : Kasa ltsabkhan, ngas yeranga ju namsi base rchored : Ngi buthsawa zikspa zad, chiazerbana ngâ dya buthsao tsa mana med. 39Yang siksang, sems chikchigis khoa thamsed, yang hunmedika kri base langsed, yang khoa zboa chhadchukse seka drilchuged, yang ngadika nane rshkablasika phude tanged. 40Yang, ngas yeri lzadrulbakhanunla do phing zere rtsods yang khonga phingma nanyan. 41Ni, Yeshus tamlaniang mols : Wahonik, chhesluks medkhan nang mencha mithsir, nga tsamtsa thsaqpa khyentang nanyambo duktuk ? Yang tsamtsek thyaqtuk ? Khyeri buthsao dir khyong! 42Ni, kho shitia yongtsana dreos kho rchusena ngadika drilchuks. Ni, Yeshus rtsoqpo Semspoa zingspa zads, yang buthsao noro chhachuks, yang khoe atawa ldzoqse sals. 43Yang jung Ashipi chhezbrolpo thongse rgyal.
Ni, miun jung Yeshus baskhan de lasunika rgyalen yodtsana khos rangi lsa-drulbakhanunla mols : 44Khyenti rshna-uniang di tamun hlebse duk-shik, chiazerbana, Mi-i Buthsa miuni laqpeang tangma chetaq yod. 45Amma, khonga di tampe hao goa medpin, yang dyu khonga rshtaḵẖspa mi chhe mingna sbas, yang di tamuni rshmangeang khoa jua thsabsedpin. 46Ni, khongiang di tabtabpo song : khontiangna chhopo su duktuk ? 47Ni, Yeshua khongi snyingi samlukspo rshtaḵẖspa songsena, phruik khurena, rangi der ltsangse jaqs. 48Yang khonga mols : Sus di phru ngi ming-ika donpo basna, khos nga donpo base in; yang sus nga ḏonpo basna khos nga tangkhanpo ḏonpo base in. Chiazerbana khyentangna saq basang thsuntse yodkhanpo khorang saq basang ckhopo in. 49Ni, Yoannesis tamlaniang jus : Kasa Ashipa ju, ngachâ chikchigis yeri mingika dreun phingmao thong; yang ngachas khoa mabos zes, chiazerbana khos ngacha nanyambo, ngachi lzâ yongma nedpinsuk. 50Yang Yeshu khoa mols : Khoa ma bos zere ma zer ; chiazerbane su khyentika menkhanpo do khyenti rolla in. 51Yang gyonla thyaqso khyerbi jaqun nyemoa hlebana ḏinḏek song: Khos bes be mingna Yerusalemi rolla rdong bas. 52Yang khorang basang snanla skopaun, yang khong songso Saaarye grong chikchigiang gral be phya juks. 53Yang khoa dukmachuks chiazorbana Kho Yerusalemi rolla rdong base yodpin. 54Hi, dyu thongso khoe lsadrulbakhan Yakobas nang Yoannasis jus : Kasa Ashipa, Elyas baspa tsoḵẖspo ngachas rshnamikana me babse khong straqse phong zere zerbawa y rang raneda ? 55Ni, khos zuk gyurena khonga zings yang mols : Khyontanga khyontang gatsuk semshik inmao rshtaḵẖspa med. 56Chiazerbana Ki-i Buthsao miuni stroqna tangma mayongs, dobasang stroq strungma yongs. Ni, khong bingse yang grong chikchiga song.
57Khong lama drulen chhen yodtsana ḏinḏek song : Michikchigis khoa jus : Kasa Ashipa, Yorang gamalsika skyodna nga yeri rgyabna yongnuk. 58Yang Yeshus khoa mols : Watseunla baho duk yang phurkhan chhachûnla thsangs duged, amma Mi-i Buthsi phya go jaqpi malsa-ang med. 59Khos yang chikchiga mols: Ngi lzâ yong! Amma khos jus : Kasa Ashipa! Ngâ snanla ngi atao kabse yongma chhachukpa zad! 60Ni, Yeshus khoa mols : Shimiun rangi shiskhanla kap chuk, ni, khyerang songse Ashipi rgyastridpo gochuk! 61Ni, yang chikchigisang jus : Kasa Ashipa, nga yeri lzâ yonged, amma snanla nga rangi khangmapaunla chhed zerba chhachukpa zad. 62Ni, Yeshus khoa mols : Sus rangi laqpao sholika jaqsena yang rgyala ltasna Kho Ashipi rgyastridi byormo medkhan in.
Àwon tá yàn lọ́wọ́lọ́wọ́ báyìí:
Lukasi Phrinzangpo IX.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève