Lukasi Phrinzangpo X.
X.
1Dyûni jukna Ashipaos yang lzadrulbakhan rdun-rchuang phings. Yang khorang chhacha yodkhan yulun nang malsaun rere nang rerea khong nyis-nyis base khuri dunla tangs. 2Ni, khos khonga mols : Thoqpo mangmo yod, amma las bakhanun yangmo yod, di phya thoqi ashipawa rangi thoqpo rshngabi mingna lasmi tangshik zere rtsodshik! 3Songshik, misto, ngas khyontang shangkuni rshkilpeang lugûn tangma tsoḵẖs baso tanged. 4Hana komaqs, hana kyalbu hana rshkanglam chang ma khycr yang lamiang sua ju mabashik. 5Ni, ga khangmeang khyentang juksna : Di khangmape phya zomluks songshik! 6Yang taqdir der zomluksi buthsa kaṯo yodna, khyenti ju khoa lusuk, taqdir kho men na khyentika loqse yongnuk. 7Ni, dyana khangmeang dukshik, yang khonti zacha, thungchaun zen thungen dukshik, chiazorbana hlamiwa rangi hlao rsha yod. Nangnanga makhorshik. 8Khyentang jukskhan rgyalsi miunis khyentang ḏonpo basna ni khyenti dunla chi jaqsna jaqskhanpo zashik. 9Yang deang yodkhan nadpaun noro chhachukshik yang khonga zershik : Ashipi rgyastridpo khyentang na nyemoa hlebsed. 10Ni, ga yulchigiang juksna yang de yuli miunis khyentang ḏonpo mabasna, ni khongi stranguniang songse zershik : 11Ngachas khyenti yuliangna ngachi kangnaunla guskhan sasuppo khyenti dunla spruged, amma Ashipi rgyastridpo nyomoa hlobsod zero khyentanga shesang sheshik! 12Ni, di jaqa Sodomi lukspo de rgyalsi lukspo basang mangmo thyaqpa byormo chhok zore ngas khyentanga zorod. 13Ho khorazin, khyerika domba! Ho Bethsayida khyorika domba! Chiazorbana taqdir khyeriangnuk ngonskhan stodpariks lasun Turos nang Sidoniang ngonspin na, ni khongis dathu gone yang thalboang dukse namna gyodluks basodpa ? 14Amma, shaḵẖsi jaqa Tiros nang Sidoni lukspo khyenti lukspo basang mangmo thyaqpariks chhok. 15Yang, ho, Kaphernaum, khyerang rshnam thsaqpa thonmo chhacha choga ? Khyerang shimiuni malsa thsaqpa phabcha chhok. 16Khyentanga rshna bakhan-pos ngâ rshna base in; yang khyontang phangkhanpos nga-ang phangse in, yang nga phangskhanpos nga tangskhanpo phangse in.
17Ni, de rdunchu thadona loqse yongse dyu jus: Kasa Ashipa, yori ningtaḵẖsika dreunang ngachi yoqa yod. 18Ni, khos khonga mols : Ngâ nganpao hloq natsoḵẖs base rshnamikana hyanga khyongse thong. 19Ltos, ngas khyentanga zbrulun nang zdyaqparuachanun, yang mirgakhani khyud saqika kang yoqa nyochi bashanpo tangsod; yang khyentanga ga zostiang-ang rshnodkyek mihlop. 20Ni, khyontang semsun khyonti yoqa yod zere thadna mathad dobasang khyenti mingtaḵẖsun rshnamiang zbrise yod zere thadshik! 21Dyana thô khurika Yeshu Ytsangma Semsis base thadkhika gang yang mols : Kasa Ata, Rshnam nang Se Ashipa, yeres di tamun shangshanun nang sheskhanunla zbase yang phrûnika ngonchukso yang Kasa Ata, Yerang dyawa snying na thad. Do pnya ngas yeri stodkha bed. 22[Ni, kho lzadrulbakhanuni rolla loqsona mols:] Ngi ataos jung ngi laqa rshtads. Yang Atawa mene Rshraspo su in zore yang sua shespaned, yang hana Rshraspoa nang Rshraspos khyenchukpa thadkhan de miwa mono Ata su in zere yang sua shospamed. 23Yang lzadrul-bakhanuni rolla loqso khonga shod base mols : Khycntanga thongkhanun thong-khan migun phrodmo in. 24Chiazerbana, khyenkhan mangmoa yang rgyalpo mangmoa khyentanga thongmi lasunla ltasnyi yodpinsuk amma mathongsuk, yang khyontanga thsorkhan tamunla thsorsnyi yodpinsuk amma mathsoruk zere ngas khyentanga zered.
25Yang ltos, khakhrims sheskhan chikchik langso yang thikshads base dyu jus : Kasa ltsabkhan, ngâ rshtano luspi sonluks thobi mingna ngâ chi ba rgosuk ? 26Ni, khos khoa mols : khakhrimsiang chi zbrise yod ? Khyores gqtsuga siled ? 27Ni, khos tamlaniang jus : "Ashipa, rangi Ashipa khorangtsa rangi snying na drese, nang rangi stroq, nadroso, nang rangi khyud nadrese, nang rangi shangs nadrese (rgaluks joq), yang rangi khyimtsespao na rang na dandargaluks joq. 28Ni, Khos Khoa mols : Khyeres tamlanpo ḏanḏa zes, dyu bos ni, khyerang sonuk. 29Amma, kho rang khadrang stanmi mingna Yeshua jus : Ni, ngi khyimtsespao su in ? 30Yeshus khos juskhanpo snyinga khurena mols : Mi chikchik. Yerusalem na Yerikhoe ngosla chhen yodpin. Yang kho rshkunmauni bariang phoq. Khongis Kho garjar la phude yang rshmakachan chhachukse, kho phedchik base phangse song. 31Hunmedika, dare kohen chikchik de lamis chhen yodpin yang khoa kho thongmana eljongspos rgale song. 32Yang dyatsoḵẖs base Lewipa chikchik de malseka hlebse khoang kho thongse ljongspoa phangse eljongspos rgale song. 33Ni, Samariapek bes benben der hlep, yang khoa kho thongmana zdikpa thsor. 34Yang khoe shitia yongse khoe rshmakaunla mar nang rgunchhu skuse chings; yang rangi byolthsong-sika skyone gatoeang khyers, yang khoa ltas. 35Yang ejaqa chhakhispoa jahu-japhed nyis phingse gatoe ashipawa tangs, yang khoa zes: Khoa ltos, yang dyu ba-sang mangmo gyaḵẖsna ngas loqlama yeranga tangnuk. 36Dokana, khyeri shangseang di mi sumkoeangna rskhunmauni bariang phoqskhan khyimtsespao gao song? 37Ni, khos jus: Kho zdikpa sheskhanpo(song)! Dekana Yeshus khoa mols: Song, khyeresang dyatsoḵẖs bos!
38Ni, khong chhen yodtsana ḏinḏek song : Kho grong chigiang juks. Ni, Martha zerkhan ane chikchigis kho rangi khangmeang ḏonpo bas. 39Yang de anewa Mariam zerkhan nomoek yodsuk, kho Yeshui kangme shitia dukse khoe speraunla nyanen yodsuk. 40Amma, Martha jabsthoq benben makhom, ni shitia yongse jus: Kasa Ashipa, ngi nomo ngarang chikchik jabsthoq ba phangse songsed zere yeranga chang chhameda ? Dekana yeres ngâ yato bos zere khoa molba zadang! 41Ni, Yeshus tamlaniang anea mols : La Martha, la Martha, khyerang dyanda kaṯo mangmoe snanga nang ḵẖolṯoeang phoqse yod. 42Amma, rgoskhan chikchik yod; ni, Mariamis de rgyalba skalbao rdamsed, yang do khoekana koqcha michha.
Àwon tá yàn lọ́wọ́lọ́wọ́ báyìí:
Lukasi Phrinzangpo X.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève