Lukasi Phrinzangpo VIII.
VIII.
1Yang namzek rdzashik rgalbana ḏinḏek song : Yeshus rgyalsa nang rgyalsiang yang grongdus nang grongdusiang, chunyispo nanyambo kustaben yang Ashipi rgyastridi phrinzangpo gochugen bes bas. 2Yang drebyar nang nadunikana dodskhan ane kaṯo, koqpeangna dre rdun phingcha songkhan Magdalenpa zerkhan Mariampo. 3Yang Yoanna Herodusi solpon Chuzi ane, nang Susanna, yang ane mangmo rangi norika khoa jabsthoq bedpin. 4Yang chhopo mibongs duse yang rgyalsa rere nang rere sharbaun khoo der yongmana khos spekhika mols : 5Sontabkhanpo rangi sonpo taba bing, yang tabtsana lami surpeka khachik bo, yang nyese songse rshnami chhachûnis do tuse zos. 6Yang khachik braqbuika bo, yang skyesena skans chiazerbana doa hus mahlep. 7Yang khachik thsemi sebsiang bo, yang thsermangunang nyambo chhopo songse doun nans. 8Yang khachik rgyala seang bo, yang skyesena rgyaloq phalu khyongs; de tamun molena, khos kustabs : Sua gokhan rshna yodna khoa rshna bachukshik! 9Ni, khoo lzadrulbakhanunis khoa dyu zeren jus : Di spekhao chi in ? 10Ni, khos mols : Khyentanga Ashipi rgyastridi sangsbasun hagocha based, amma eunla thongen mithongmâ yang rshnalama goen hamigoâ spekhika (gochuged). 11Dare de spekhao dyu in : Sonpo Ashipi Sperao in. 12Ni, lami zurika (boskhanun) rshna bakhanun in. Ni, chhesluks basena khomluks mithobchukpi mingna Nganpao yonged; yang Sperao khongi snyingiangna koqse khyered. 13Ni, braqbuika (boskhanun) goachikna sperawa thadkhika in zerkhanun in, yang khonga pataq chang med; khongis namzek rdzashik thsaqpa chhesluks jaqsed, yang thiksshadpi thoa saq phangse shored. 14Ni, thsermi sebsiang phoqkhanun, gokhanun in, yang chhenchhen di thse ḵẖolṯoun nang norzanun nang hyangspauniang phoqed, yang (phulu) sminma med. 15Ni, salyaḵẖsiang yodkhanun, rgyala nang khadrang snyingpeang gose sperao jaqskha-nun in, yang thyaqpika pchulu khyonged. 16Ni skyongtse sparena susang snodi phaqa jaqpamed, hana nyalkhrî yoqa jaqpamed, dobasang nanggoltek yongkhanunla od thongmi mingna skyongtse skyongstyaqika jaqed. 17Chiazerbana ngon mingonkhan changang zbase luspamed, yang hana od la rshtaḵẖspa michhacha ngon mingoncha sangsbasi tam chang med. 18Khyentanga gatsuga gochawa snanga jaqshik; chiazerbana sui der yodna khoa tangcha chhok; yang sui der medna khoekana khores rangi in samkhanpoang khyercha chhok.
19Ni, khoe amao nang khoe phonoun khoe der yongs, amma mibongs songse khoe der hleba manyan. 20Yang khoa dyu zere zes : Yeri ama nang Yeri phonoun phyistâ langse yod, yang yerang na thukrgos yod zered. 21Ni, khos tamlaniang khonga mols : Ashipi kasalpoa rshna ben yodkhan yang dounika drulen yodkhanun ngi ama nang ngi phonoun in.
22Yang de jaquniangna jaqshik ḏinḏek song. Yeshu nang khoe lzadrulbakhanun nayoeang juks ; yang khos khonga mols : Dongshik thsoe pharkâ chhok, yang khongis (nayo) struls. 23Yang nayo strulen yodtsana khoa zims skyods. Yang thsoeka chhopo raruik langs, yang nayoeang chhu gangen chhodpin, yang (khong) jiksmoeang yodpin. 24Yang khong shitia yongse khoa dyu juin zims thsadchuks : Kasa Ashipa, Kasa Ashipa, ngacha shîn yod. Ni, kho jângsona hlungpo nang ckhui hilingpoa zings; yang nyiska zode duks, yang dalmo song. 25Yang khos khonga mols : Khyenti chheslukspo gar song ? Yang khong jiksen rgyale khontang chikchiga zes : Wahonik, dyus chhu nang hlunga skalbana khongis taranyanbakhanchik dyu su in ?
26Ni, khong eltek pharka Galiliayai thannyâ yodkhan Gadarenyapi rgyastridiang nayo strule hlep. 27Ni, kho chhuzurpeka babspana de rgyalsiangna bingkhan, namza mangmo songse goncha magonkhan yang khangmeang madukpa dobasang rongkhanguniang juksen khorkhan drebyar mi chikchik khona thuks. 28Yeshu thongsena khos kri bas, yang khoe dunla rilena thonmo skadika jus : Kasa Yeshu, thonmo Ashipi Rshras, nga yerang na chi las ? Ngâ naḵẖs ma ston zore yeranga ju namsi bed. 29Chiazerbana khoa de rtsoqpo drea de mîangna bingse song zere moled pinsuk, chiazerbana khoa kho respa mangmo zunspin; yang kho lchaqthurun nang kang lchaqsunna chingse kukse jaqedpin, do in nâng kho chingskhan chade phangse rtsoqpo semspos kho byathangeang rgyabse khyeredpin. 30Ni, Yeshu dyu zeren khoa tris : Khycri mingpoa chi zored ? Ni, khos jus : Ngi mingpoa rshmaq zered! Chiazerbana khoeang dre mangmo yodpin. 31Yang khos khonga sergeang chhachukpa maskalba zat ju namsi bas. 32Ni, der rîka, phaqi chhopo thso chikchigis rtsoa traden yodpin, khongis khoa khongi nanggoltek chnachuk zore jus. Yang kho khonga chhachuks. 33Ni, dreun de mîangna bingse phaquni nanggoltok songso juks, yang phaqi thso phredpcahgna bangeka songse thsoeang chhongs, yang nubse shi. 34Yang di lukspo thongse thsokhanun shor, yang songse rgyalsa nang grongtumuniang spera tangs. 35Ni, khongi chi songsed ltâ bing, yang Yoshui der hlep, yang dreun phingso tangskhan do miyu gorcha gone yang shangs loqse Yeshui kangmi der dukse thong; yang khong jiks. 36Ni thongskhanunis drebyarpo gatsuga rgyala song zore khonga spera tangs. 37Yang Gadarenpi khridkhorla yodkhan yuluni sharbaunis khoa khongi der na skyod zere jus, chiazerbana khonga jiksmo mangmo songmin. Ni, kho nayoeang jukse loqse skyods. 38Ni, koqpeangna dreuh phingse phangskhan miyus khoa khorang nanyambo dukchuk zere khoa mangmo rchore jus. Amma, Yeshus dyu molon kho ldzoqse tangs; 39Rangi khangmâ loqse songse Ashipas khyeri phya gatsuk chhô lasshik bas zere gochuk. Yang Kho songse Yeshus khoe phya gatsuk chhô lasun based zore rgyalsa gangmeang kustabse gochuks.
40Ni, Yeshu loqse skyodtsana ḏinḏek song : sharbaun kho na rgamo thadkhika thuk chiazerbana saq kho skyodpa dade yodpin. 41Yang ltosang, Yaeiros zerkhan mik yongs, yang kho sharbi dusi gowa inmin; yang Yeshui kangmaunika rile, khuri khangmâ, skyod zere khoa rchors. 42Ghiazerbana khoa loskor none yodkhan bomock yodpin, yang de bamo shia langso yodpin. Yang kho skyodtsana mibongsunis phulphul bedpin. 43Yang deka khraq drulen yang sui laqpekâng rgyala machha yang rangi nor saq smanpaunika skyaqse yodkhan anok yodpin. 44Khoo rgyabna Yeshui gonchi thozurpoa tus bas, yang dyanat-suga de anea khraq drulbao chnads. 45Yang Yeshus mols : Ngâ tus bakhanpo suin ? Yang saqis med zerbana Potros nang khoe phropaunis zes : Kasa Ashipa, mibongsunis yerang nanen yang yerika phulphul tangon khorod, yang yoros ngâ tusbskhanpo su in zere moled. 46Ni, Yeshus mols : Ghikchigis ngâ tus ba na based, chiazerbana ngâ ngiangna khyud bingse songspao rshtaḵẖspa yod. 47Ni, de anowa khorang ibse dukpa minyanmao shospana, daren yongs; yang khoe dunla rilcna sharbaun jungi dunla khos khoa chia khoa tus bas yang gatsuga hunmedika noro song zere shads. 48Ni, khos de anowa mols : La nomo, khyeri chneslukspos khyorang noro chhachuksed, zomluksiang song. 49Khos dyao molen yodtsana Sharbidusi gowi khangmiangna chikchik yongse zes : Khyeri bomo nongs, ashipawa nyenmongs mabos. 50Ni, Yeshus thsorena khoa tamlaniang mols : jiks ma jiks, chheslukspo tsa joq, yang de bomo rgyaluk. 51Ni, yang khangmachlebana Potros, Yoannas, Yakobos nang bomoo ata-amaun mene yang sua nanggoltek yong machuks. 52Ni, jungis do bomoe phya nguin ḵẖolṯo ben yodpin, amma khos mols ; ngu ma ngushik, kho shispamod, dobasang khoa nyid yongso yod. 53Yang khongis khoeka rgod tangs chiazcr-bana de bomo shispao khonga rshtaḵẖspa yodpin. 54[Ni, khos khong phyistâ chhachuks], yang khos de bomoe laqpana thamsona kustabso mols : La phru, longs. 55Yang bomoe Somspo loqse yongs, yang Kho dyana tho khurika langs, yang Yeshus mols : Di bomoa (dyandek) zâ tangshik! 56Yang khoe ata-ama rgyal, yang khos khonga dyu songkhanun suâng ma shod zore thsathsa base mols.
Àwon tá yàn lọ́wọ́lọ́wọ́ báyìí:
Lukasi Phrinzangpo VIII.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève