Psalms 54
54
1အို ဘုရားရှင်၊ ကိုယ်တော်၏ နာမတော်အားဖြင့် အကျွန်ုပ်ကို ကယ်တင်တော်မူပါ။ ကိုယ်တော်၏ အစွမ်းတန်ခိုးတော်အားဖြင့် အကျွန်ုပ်ကို စစ်ဆေးစီရင်တော်မူပါ။ 2အို ဘုရားရှင်၊ အကျွန်ုပ်၏ ဆုတောင်းချက်ကို နားထောင်တော်မူပါ။ အကျွန်ုပ်၏ နှုတ်ထွက်စကားတို့ကို စူးစိုက်၍ နားထောင်တော်မူပါ။ 3အကြောင်းမူကား သူစိမ်းတို့သည် အကျွန်ုပ်ကို ဆန့်ကျင်လျက်ထကြွကြပါ၏။ ကြမ်းကြုတ်သောသူတို့လည်း အကျွန်ုပ်၏အသက်ကို ရန်ရှာကြပါ၏။ သူတို့သည် ဘုရားရှင်ကို ဦးထိပ်ထားခြင်းမရှိကြပါ။ 4ကြည့်ရှုလော့။ ဘုရားရှင်သည် အကျွန်ုပ်အား ကူညီမစသောအရှင် ဖြစ်တော်မူ၏။ ဘုရားရှင်သည် အကျွန်ုပ်၏အသက်ကို ထောက်မသောသူတို့နှင့် အတူရှိတော်မူ၏။ 5အကျွန်ုပ်၏ရန်သူတို့အပေါ် မကောင်းမှုအကျိုးကို ကိုယ်တော်သည် ပေးဆပ်ပါစေသော။ ကိုယ်တော်၏ သစ္စာတော်နှင့်အညီ ထိုသူတို့ကို ဖယ်ရှားသုတ်သင်တော်မူပါ။ 6အို ဘုရားရှင်၊ အကျွန်ုပ်သည် ကိုယ်တော်အား ဝမ်းမြောက်စွာပူဇော်ပါမည်။ ကိုယ်တော်သည် ကောင်းမြတ်တော်မူသည်ဖြစ်၍ အကျွန်ုပ်သည် ကိုယ်တော်၏ ကျေးဇူးတော်ကို ချီးမွမ်းပါမည်။ 7ကိုယ်တော်သည် အကျွန်ုပ်အား ဆင်းရဲဒုက္ခအပေါင်းတို့မှ ကယ်တင်တော်မူပါပြီ။ အကျွန်ုပ်၏ ရန်သူတို့သည် အရေးနိမ့်ကြသည်ကို တွေ့မြင်ပါပြီ။
Поточний вибір:
Psalms 54: TPV-RV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.