Psalms 53
53
1မိုက်မောသောသူက "ဘုရားရှင်မရှိ" ဟု မိမိ၏စိတ်နှလုံးထဲ၌ ပြောဆိုတတ်၏။ ထိုသို့သောသူတို့သည် အကျင့်ပျက်ပြား၍ စက်ဆုပ်ရွံ့ရှာဖွယ်ကောင်းသော မတရားမှုကိုပြုတတ်ကြ၏။ ကောင်းသောအမှုကို ပြုသောသူမရှိ။ 2ပညာသတိရှိသောသူ၊ ဘုရားရှင်ကိုရှာသောသူ ရှိ၊ မရှိအား သိမြင်နိုင်ရန် ဘုရားရှင်သည် လူသားတို့အား ရွှေမြို့တော်မှငုံ့ကြည့်တော်မူ၏။ 3လူအပေါင်းတို့ ကိုယ်တော်အားကျောခိုင်းကြလေပြီ။ သူတို့အားလုံးသည် တညီတညွတ်တည်း ယုတ်မာကောက်ကျစ်ကြလေပြီ။ သူတို့ထဲတွင် မှန်ရာကိုပြုကျင့်သူမရှိ။ တစ်ဦးတစ်ယောက်မျှပင်မရှိ။ 4အပြစ်ဒုစရိုက်ပြုကြသောသူတို့သည် မည်သည့်အရာကိုမျှ မသိကြသလော။ သူတို့သည် မုန့်အားစားသကဲ့သို့ အကျွန်ုပ်၏လူမျိုးကိုဝါးမျိုကြ၏။ ဘုရားရှင်ထံတွင်လည်း ဆုတောင်းခြင်းမရှိ။ 5သူတို့သည် ကြောက်ရွံ့စရာမရှိဘဲ အလွန်ကြောက်ရွံ့ကြ၏။ အကြောင်းမူကား ဘုရားရှင်သည် သင်၏တစ်ဖက်၌ တပ်ချထားသောသူတို့၏အရိုးများကို ပြန့်ကျဲစေတော်မူ၏။ ဘုရားရှင်သည် သူတို့အား စွန့်ပယ်တော်မူသောကြောင့် သင်သည် သူတို့ကို အရှက်ကွဲစေလိမ့်မည်။ 6အစ္စရေးလူမျိုးများအတွက် ကယ်တင်ခြင်းကျေးဇူးတော်သည် ဇိအုန်တောင်မှပေါ်ထွန်းပါစေ။ ဖမ်းဆီးခေါ်ဆောင်သွားခြင်းခံရသော မိမိ၏လူမျိုးတော်ကို ဘုရားရှင်သည် ပြန်လာစေတော်မူသောအခါ ယာကုပ်သည် ရွှင်လန်းဝမ်းမြောက်ပါစေ။ အစ္စရေးလူမျိုးတို့သည် ဝမ်းမြောက်ကြပါစေ။
Поточний вибір:
Psalms 53: TPV-RV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.