Luk 3
3
Zanbatisi ate nwanzu ati dzikayi manvu mebi
1Se bisiwu iku ne bitanyi, kani we uneni Tibeli edze ne kuma, ne Ponse Pilati edze ne kuma se ilongo dze Zude, Elodi edze ni kani we ilongo dze Galile, Filipi unkulu we Elodi edze ni kani we ilongo dze Ituli ne dze Tilakoniti, Lisaniyasi edze ni kani we ilongo dze Abilene. 2Ana ne Kayifi bedze ni bekani beneni be ndaku ye Nzambi. Ndili yayu Nzambi awowe ne Zan, nwana we Zakali we ibaka se ikanye. 3Zan edze ne landa se melongo medze se unkolo nwen nzali nwen Yudeni. Zan ate nwanzu ati: «Dzikayi manvu mebi, beyi beboko meteme, yayu ne Nzambi aboloko beyi.» 4Nda Ezayi Mutu we Nzambi etende se sangunvu yedzi. Beyuka mutu ate nwanzu se ikanye, yebisayi unwombo nwen Kunwu, yebisayi wangu mepeyi medze tele. Yebisayi ne milima mye beyi myedze tele. 5Uve beyi badzubaka bimbendze byesi, bikudzi byesi bineni, ne bite byetse kudzume. Mevunu me mepeyi mesi madze tele, mepeyi me memanya metse booto, 6batu besi betse yene nda Nzambi ilungise, nda Ezayi etende. 7Batu beyitsi baya kwele ye Zan ati: «Zan akaba bangu meteme.» Wangu ne bangu ati: «Beyi bedzi ni nda tadzi we pili, we tanda beyi ati, beyi betuka lepe kanve ye Nzambi yiya niza? 8Pikayi manvu meve, yayu beyiba ati, beyi badzika manvu mebi.» Metanda beyi unbu amene, dzikayi vele dze ne utsimene ati: «Besu ni be imbisa dze Ablaame.» Wayayi memanya ma, metanda beyi, Nzambi atuka yikule mangu bana be Ablaame! 9Bamana siba wundu ne utsitaka mili ndzii mikanga, mili myesi mye nde buta mbulu yive, betse kumaka myangu ne utsumba se nwunya. 10Batu basunwunle wangu ati: «Ni besu bepika nivi?» 11Zan ne bangu ati: «Beyi widzi ne mengoyi mole, akaba wende ingoyi. Widzi ne bila, akaba wende bila.» 12Ne betolingi be bedolo baya kwele ye Zan ati: «Akaba ne bangu meteme.» Bangu basunwunle wangu ati: «Kunwu ni besu bepika nivi?» 13Zan ne bangu ati: «Tolongayi si libu lebedolo le beme luma beyi, beyi nde vele dzuka bedolo boko.» 14Ne bewolo basunwunle wangu ati: «Ni besu bepika nivi?» Zan ne bangu ati: «Beyi nde boko bedolo ne batu ne singa, ne undzuma, ni batayi si bedolo bebi wuteke beyi.» 15Batu bedze ne ubuka ne ivukidze, bangu bedze ne tsimene nati, Zan ni we Nzambi etobo ne uluma. 16Zan akalule ne bangu ati: «Meni we ikaba beyi meteme me mangu, ni wiya atakwe me singa, medzi nda nwana unte busu vedzi, mende ne tuka nyangule mikodzi mye bekotoko bedzi. Wangu atse swaka beyi ne Fudzu ye Umpene, wangu atse kaba beyi meteme me Fudzu ye Umpene, ne me nwunya. 17Wangu adzi ni nda unkuni wakwata nyengese se meboko. Yayu wangu atse nanguse mbulu se bipandzi, wangu atse bata mbulu se membinda, ni bipandzi wangu atse tsumba byangu se nwunya nwen nde botse.» 18Zan edze ne vele kaba bangu mendondzi moko meyitsi, wangu edze ne tanda bangu misisili mive. 19Zan akanve ne kani Elodi nedzi ebala Elodiyadi nwadzi we unkulu wedzi, Elodi apika manvu mebi. 20Yedzi evele pika dzanvu dzoko dzibi, ye Elodi esomo Zan ungenenge.
Meteme me Zezu
21Ye batu besi bemana boko meteme, ne Zezu aboko meteme. Ndili ye Zezu edze ne bondo, ikulu dzadzuve. 22Fudzu ye Umpene yaya ne dzunwu ye mbinga, ya sunda kule Zezu, bayuka dzuyi dzi yinga ikulu ati: «Weni nwana wami itondo uyitsi, weni itsisa dzami.»
Mekunvu me batu be imbisa dze Zezu
23Zezu edze ne bisiwu meku mesatu, yedzi ebanda dzandza dzedzi, batu bedze ne tsimene ati, wangu ni nwana we Zozefi. Zozefi ni nwana we Eli. 24Eli nwana we Matati, Matati nwana we levi. Levi nwana we Melki, Melki nwana we Yanayi. Yanayi nwana we Zozefi. 25Zozefi nwana we Matatyasi, Matatyasi nwana we Amosi. Amosi nwana we Nawum, Nawum nwana we Esili. Esili nwana we Nagayi. 26Nagayi Nwana we Maati. Maati nwana we Matatyasi. Matatyasi nwana we Semeyini. Semeyini nwana we Yoseki. Yoseki nwana we Yoda. 27Yoda nwana we Yoyanani. Yoyanani nwana we Lesa. Lesa nwana we Zolobabeli. Zolobabeli nwana we Sayeyatiyeli. Sayeyatiyeli nwana we Neli. Neli nwana we Meliki. 28Meliki nwana we Adi. Adi nwana we Kosam. Kosam nwana we Elemadam. Elemadami nwana we Ele. 29Ele nwana we Zezu. Zezu nwana Eliyezi. Eliyezi nwana we Yolim. Yolim nwana we Matati. Matati nwana we levi. 30Levi nwana we Simeyon. Simeyon nwana we Zuda. Zuda nwana we Zozefi. Zozefi nwana we Yonam. Yonam nwana we Eliyakimi. 31Eliyakimi nwana we Meleya. Meleya nwana we Mena. Mena nwana we Matata. Matata nwana we Natani. Natani nwana we davidi. 32Davidi nwana we Zesi. Zesi nwana we yobedi. yobedi nwana we Bozi. Bozi nwana we Salomon. Salomon nwana we Nason. 33Nason nwana we Aminadabe. Aminadabe nwana we Adimini. Adimini nwana we Alini. Alini nwana we Etosoni. Etosoni nwana we Peleti. Peleti nwana we Zuda. 34Zuda nwana we Zakobi. Zakobi nwana we Isaaki. Isaaki nwana we Ablaame. Ablaame nwana we Tela. Tela nwana we Nayoli. 35Nayoli nwana we Selu. Selu nwana we Lewu. Lewu nwana we Pelegi. Pelegi nwana we Ebeli. Ebeli nwana we Sila. 36Sila nwana we Kayinam. Kayinam nwana we Alepazadi. Alepazadi nwana we Sem. Sem nwana we Nowa. Nowa nwana we Lemeki. 37Lemeki nwana we Matusalem. Matusalem nwana we Enoki. Enoki nwana we Yeledi. Yeledi nwana we Malali. Malali nwana we Kenam. 38Kenam nwana we Enosi. Enosi nwana we Seti. Seti nwana we Adam. Adam nwana we Nzambi.
Поточний вибір:
Luk 3: WUM
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES