Популярні біблійні вірші з NAI VAKATEKIVU 35

Поділитись

Sa kaya talega vua na Kalou, Koi au na Kalou Kaukauwa: mo tubu, ka mo lewe vuqa mai; e dua na matanitu, io na matanitu e vuqa, ena tubu maivei iko, ka na lako mai na tolomu na turaga lelevu; a vanua talega ka'u a solia vei Eparaama kei Aisake, au na solia vei iko; vei ira talega na nomu kawa, ka'u na solia na vanua ko ya.

ia tou yavala mada, tou lako cake ki Peceli; ka'u na cakava maikea e dua nai cabocabo-ni-soro vua na Kalou, ko koya ka rogoci au e na siga ka'u a rarawa kina, ka tiko kei au e na sala ka'u a lako kina.

A sa kaya vua na Kalou, Ko Jekope na yacamu; ia ena sega ni vakatokai tiko na yacamu ko Jekope, ko Isireli ga na yacamu: a sa vakatoka na yacana ko Isireli.

A sa kaya ko Jekope vei ira na nona lewe-ni-vale, kei ira kecega era tiko kaya, Dou biuta tani na kalou ni kai tani sa tiko kei kemudou, dou savasava talega, ka vakaisulu e nai sulu tani

A sa kaya vei Jekope na Kalou, Cavu tu, ka mo lako cake ki Peceli, ka tiko maikea: ka cakava maikea e dua nai cabocabo-ni-soro vua na Kalou, ko koya ka rairai vei iko ni ko a drotaka na mata i Iso na tuakamu.

A sa yaco ni sa lako na yalona, [ka ni sa ciba ko koya,] sa vakayacani koya ko Peni-oni: ia ko tamana sa vakatokai koya ko Penijamini.