Популярні біблійні вірші з Jue 6

Поділитись

'Ix sch'oxn sb'a jun yángel Jehová chi 'a winac, 'ix yaln 'a 'ixtic: —Ach winc jeln a'n owal, a Jehová 'aych et'oc, man̈ 'ach xiwoc, xchi.

'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

Palta xyaln pax Jehová 'ixtc 'a 'a: —'Oj stac' o'oj, yujto an 'ayn 'och et'oc. 'Icha tz'aj yem junc winc to may mach tzcolni, 'ixta 'oj 'aj eb' madianita chi yem o'oj, xchi.

'Ix ta'w win Gedeón cha, xyaln 'ixtic: —'A'n niwnc'ojlal mamin, toto 'aych Jehová quet' on̈, ¿tas yuj tzjaw jun tzo'n̈ tic 'a quib'n̈ on̈? ¿'Ajtil 'ay jun tzo'n̈ milagro yaljnac can eb' qui mam quichm on̈, yic yaln eb' chajtlto a Jehová 'ix 'i'n 'elt eb' 'a Egipto? Palta ax ticnec, on̈ yactj can qui ch'ocj on̈, on̈ ya'n can 'och 'a yol sc'ab' eb' madianita, xchi.

—'A'n niwnc'ojlal jun 'ejm xo mamin. ¿Tas 'oj wutc in coln 'el eb' wit chon̈b' tic? Yujto an tic, caw wal meb'a in yet' eb' win̈tl 'a scal eb' yin̈tl Manasés. Slajb' 'unn xoj pax waj 'a scal eb' wu'tac, xchi Gedeón.

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.

—Toto wach'n 'a a sat, tzin tew 'ayach, ch'ox junc milagro wila', sec tznachj 'el wu'uj, chajtlto schecb' ach Dios.

Palta xta'w Jehová 'ixtc 'a 'a: —Man̈ 'ach xiwoc, ma'oj a chami, xchi.

A eb' israel caw man̈ wach'c tas 'ix sb'o eb' 'a sat Jehová, yuj cha, 'ix 'ajx 'och eb' 'a yol sc'ab' eb' madianita 'a uque ab'il yuj Jehová.