Популярні біблійні вірші з Revelation 21

Поділитись

ကိုယ်တော်သည် သူတို့၏မျက်လုံမှ ရှိသမျှမျက်ရည်တို့ကို သုတ်တော်မူမည်။ နောက်တစ်ဖန် သေခြင်း၊ ဝမ်းနည်းပူဆွေးခြင်း၊ နာကျခြင်းနှင့် ငိုကြွေးခြင်းတို့သည် ရှိတော့မည်မဟုတ်။ ရှေးယခင်က ဖြစ်ပျက်ခဲ့သောအရာတို့သည် ကွယ်ပျောက်သွားကြပြီ” ဟု၍ဖြစ်၏။

ရာဇပလ္လင်ပေါ်၌ ထိုင်တော်မူသောအရှင်က “ငါသည် ယခုအခါ၍ ရှိသမျှသောအရာတို့ကို အသစ်ဖန်ဆင်းပြီ” ဟုမိန့်တော်မူပြီးနောက် “ဤစကားတို့သည် သစ္စာစကား၊ မှန်သောစကားဖြစ်သောကြောင့် ရေးမှတ်ထားလော့” ဟူ၍လည်း မိန့်တော်မူ၏။

ထို့နောက် ရာဇပလ္လင်တော်မှ ကျယ်လောင်သောအသံကို ကျွန်ုပ်ကြားရ၏။ ထိုအသံမှာ “ကြည့်လော့။ ဘုရားရှင်စံမြန်းရာနေရာသည် လူတို့တွင်ရှိ၍ သူတို့နှင့်အတူ စံမြန်းတော်မူမည်။ သူတို့သည် ဘုရားရှင်၏လူများဖြစ်ကြပြီး ဘုရားရှင်ကိုယ်တိုင် သူတို့နှင့်အတူရှိနေ၍ သူတို့၏ ဘုရားရှင်ဖြစ်တော်မူလိမ့်မည်။

ကိုယ်တော်က “အမှုပြီးပြီ။ ငါသည် ပထမဆုံးနှင့် နောက်ဆုံ၊ အစနှင့်အဆုံးဖြစ်၏။ ရေငတ်သောသူတို့အား အသက်စမ်းရေကို အဖိုးအခမပေးရဘဲ အခမဲ့ငါပေးမည်။

အောင်မြင်သောသူတို့သည် ငါ၏ကတိတော်အတိုင်း ဤအရာများကို အမွေခံရလိမ့်မည်။ ငါသည် သူ၏ဘုရားရှင်ဖြစ်မည်။ သူတို့သည် ငါ၏သားသမီးများဖြစ်ကြလိမ့်မည်။

သို့သော် ကြောက်တတ်သူများ၊ ယုံကြည်ခြင်းမရှိသူများ၊ စက်ဆုပ်ရွံရှာဖွယ်ကောင်းသူများ၊ လူ့အသက်သတ်သောသူများ၊ တရားနှင့်မညီသော ကာမဂုဏ်ကိုခံစားသူများ၊ ပြုစားတတ်သူများ၊ ရုပ်တုဆင်းတုကိုးကွယ်သူများနှင့် လိမ်လည်သူများအားလုံးတို့သည် ကန့်နှင့်လောင်သော မီးအိုင်ထဲသို့ပစ်ချခြင်းခံကြရမည်။ မီအိုင်သည် ဒုတိယသေခြင်းဖြစ်၏” ဟုမိန့်တော်မူ၏။

ထို့နောက် ကောင်းကင်အသစ်နှင့် ကမ္ဘာမြေကြီးအသစ်ကို ကျွန်ုပ်မြင်ရ၏။ ပထမကောင်းကင်နှင့် ပထမကမ္ဘာမြေကြီးသည် ပျောက်ကွယ်သွား၍ ပင်လယ်သည်လည်းမရှိတော့ပေ။

မြင့်မြတ်သောမြို့တော်ဖြစ်သော ဂျေရုဆလင်မြို့သစ်သည် သတို့သားအတွက် လှပစွာဆင်မြန်းထားသော သတို့သမီးတစ်ဦးကဲ့သို့ ဘုရားရှင်ဖန်ဆင်ထားတော်မူသည်ကို ကျွန်ုပ်မြင်တွေ့ရ၏။

ဘုရားရှင်၏ ဘုန်းအသရေတော်သည် အလင်းပေးတော်မူ၍ သိုးသငယ်တော်သည် ထိုမြို့၏ဆီမီးသဖွယ်ဖြစ်သောကြောင့် မြို့သည် နေနှင့်လ၏အလင်းရောင်ကိုမလိုအပ်ပေ။ လူမျိုးအပေါင်းတို့သည် ထိုမြို့၏အလင်းကို အမှီပြု၍ သွာလာကြလိမ့်မည်။ ကမ္ဘာလောကရှိ ရှင်ဘုရင်တို့သည် မိမိတို့၏ ဘုန်းအသရေကို ထိုမြို့ထဲသို့ ယူဆောင်လာကြလိမ့်မည်။