Популярні біблійні вірші з Revelation 22

Поділитись

ငါသည် အာလဖာနှင့် အိုမီဂါ၊ အစဦးဆုံးသောသူနှင့် နောက်ဆုံးသောသူ၊ အစနှင့်အဆုံးဖြစ်၏။

ကိုယ်တော်ယေရှုက “နားထောင်ကြလော့။ ငါသည် မကြာမီကြွလာမည်။ ငါသည် ဆုလာဘ်နှင့်ပြစ်ဒဏ်ကို ယူဆောင်လာပြီး လူအသီးသီးတို့အား မိမိတို့ကိုယ်ကျင့်တရားအတိုင်း ပေးအပ်ရန်ဆုလက်ဆောင်ကို ယူလာမည်။

ဉာဏ်အလင်းတော်နှင့် မင်္ဂလာဆောင်သတို့သမီးတို့က “ကြွလာတော်မူပါ” ဟုဆိုကြ၏။ ထိုသို့ဆိုသည်ကို ကြားသောသူမှန်သမျှသည်လည်း “ကြွလာတော်မူပါ” ဟုဆိုကြပါစေ။ ရေငတ်သောသူသည် လာပါစေ။ အလိုရှိသောသူသည် အသက်ရေကို အခမဲ့ယူပါစေ။

မိမိ၏ဝတ်ရုံသဖွယ်ဖြစ်သော အကျင့်သီလများကို ဖြူစင်သန့်ရှင်းအောင် လျှော်ဖွတ်သောသူတို့သည် မင်္ဂလာရှိကြ၏။ ထိုသူတို့သည် မြို့တံခါးများမှ မြို့ထဲသို့ဝင်၍ အသက်ပင်၏ အသီးကို စားခွင့်ရလိမ့်မည်။

ကိုယ်တော်ယေရှုက “ကြည့်ရှု့လော့။ ငါသည်မကြာမီလာမည်။ ဤစာစောင်၌ ရေးထားသော ကြိုတင်ဟောပြောချက်များကို လိုက်နာသောသူသည် မင်္ဂးလာရှိ၏” ဟုမိန့်တော်မူ၏။

ညဟူ၍ရှိတော့မည်မဟုတ် ဘုရားရှင်သည် အလင်းကိုပေးတော်မူမည်ဖြစ်၍ သူတို့သည် ဆီမီး၏ အလင်းနှင့် နေ၏အလင်းကို လိုအပ်တော့မည်မဟုတ်။ သူတို့သည် အစဉ်ထာဝရအုပ်စိုးကြလိမ့်မည်။

ဤအကြောင်းအရာများကို သက်သေခံတော်မူသော အရှင်က “ဧကန်အမှန်ပင် ငါသည် မကြာမီလာမည်” ဟုမိန့်တော်မူ၏။အာမင်။ ကိုယ်တော်ယေရှု ကြွလာတော်မူပါ။ ကိုယ်တော်ယေရှု၏ကျေးဇူးတော်သည် ယုံကြည်သူများအပေါ် သက်ရောက်ပါစေသော်။ အာမင်။

ဤအသက်စာစောင်၌ပါသော ကြိုတင်ဟောပြောချက်များကို ကြားနာရသူတိုင်းအား ငါယောဟန်သည်သတိပေး၏။ မည်သူမဆို ဤစာစောင်တွင် တစ်စုံတစ်ရာ ထပ်လောင်းဖြည့်စွက်ပါက ဘုရားရှင်သည် ဤစာစောင်ပါ ပြစ်ဒဏ်များကို ထိုသူအပေါ် ကျရောက်စေတော်မူမည်။ မည်သူမဆို ဤစာစောင်၌ပါသော ပရောဖက်ပြုဟောပြောချက်များထဲမှ တစ်စုံတစ်ရာကို နုတ်ပယ်ပါက ဤစာစောင်၌ ဖေါ်ပြထားသော အသက်ပင်၏အသီးကို စားခွင့်နှင့် မြင့်မြတ်သောမြို့တော်သို့ ဝင်ခွင့်ကို ဘုရားရှင်သည် ထိုသူတို့ထံမှ နုတ်ပယ်တော်မူလိမ့်မည်။