Популярні біблійні вірші з Revelation 20

Поділитись

အသက်စာစောင်တွင် အမည်ရေးမှတ်ထားခြင်းမရှိသောသူတို့သည်လည်း မီးအိုင်ထဲသို့ပစ်ချခြင်းခံရလေ၏။

သေလွန်ပြီးသောသူ အကြီး အငယ်တို့သည် ရာဇပလ္လင်ရှေ့တော်၌ ရပ်နေကြသည်ကိုလည်းကောင်း စာစောင်များဖွင့်သည်ကိုလည်းကောင်း ကျွန်ုပ်မြင်ရ၏။ ထို့နောက် အသက်စာစောင်ဖြစ်သော အခြားစာစောင်ကိုလည်းဖွင့်ထား၏။ သေလွန်ပြီးသောသူတို့သည် စာစောာင်ထဲတွင် မှတ်တမ်းတင်ထားသည့်အတိုင်း မိမိတို့ အကျင့်နှင့်အညီ တရားစီရင်ခံရ၏။

ပင်လယ်ကြီးသည်လည်း မိမိ၌ရှိသည့် သေလွန်ပြီးသောသူတို့ကို ပေးအပ်ကာ ဘုရားရှင်ရှေ့တော်သို့ ရောက်လာကြ၏။ အရပ်ရပ်တွင်ရှိသော သေလွန်ပြီးသောသူတို့သည် မိမိတို့၏ အပြစ်တရားအလျောက် တရားစီရင်ခြင်းကို ခံကြရ၏။ ထို့နောက် သေခြင်းနှင့် မရဏနိုင်ငံသည် မီးအိုင်ထဲသို့ပစ်ချခံခဲ့ရ၏။ မီးအိုင်သည် ဒုတိယသေခြင်းဖြစ်၏။

ထို့နောက် ရာဇပလ္လင်ဖြူကြီးကိုလည်းကောင်း ထိုပလ္လင်ပေါ်တွင်ထိုင်နေသော အရှင်ကိုလည်းကောင်း ကျွန်ုပ်မြင်ရ၏။ ကောင်းကင်နှင့် မြေကြီးတို့သည် ထိုအရှင်ရှေ့မှ ပျောက်ကွယ်သွား၍ သူတို့အတွက် နေရာမရှိတော့ပေ။

ထိုအနှစ်တစ်ထောင် ကုန်လွန်သွားသောအခါ မာရ်နတ်သည် အကျဉ်းကျရာမှ လွတ်မြောက်၍ သူသည် ကမ္ဘာ့အရပ်လေးမျက်နာ၌ရှိသော လူမျိုးများဖြစ်ကြသည့် ဂေါဂနှင့် မာဂေါဂတို့ကို ဖြားယောင်းသွေးဆောင်ရန်နှင့် စစ်ပွဲအတွက်စုစည်းရန် ထွက်သွားလိမ့်မည်။ သူတို့၏ အရေအတွက်သည် ပင်လယ်ကမ်းခြေရှိ သဲပွင့်ကဲ့သို့ပင် များပြားလှ၏။