Популярні біблійні вірші з 1 John 3

Поділитись

ချစ်ခင်ရသော သားသမီးတို့၊ ကျွန်ုပ်တို့သည် နုတ်ဖြင့်သာ ချစ်နေကြသည်မဟုတ်ဘဲ လက်တွေ့ ချစ်ခြင်းမေတ္တာတရားထားကြပါစို့။

ကျွန်ုပ်တို့အတွက် မိမိအသက်ကိုဇီဝိတဒါနအဖြစ်စွန့်လှူတော်မူခဲ့သော ခရစ်တော်၏ မေတ္တာတရားကို သိကြရမည်။ ထို့ကြောင့် ကျွန်ုပ်တို့ယုံကြည်သူအချင်းချင်းသည်လည်း တစ်ဦးအပေါ်တစ်ဦး မိမိတို့၏အသက်ကိုပင် ပဓါနမထားဘဲပေးဆပ် အနစ်နာခံကြရမည်ဖြစ်၏။

ကျွန်ုပ်တို့သည် ဘုရားရှင်၏သားသမီးဖြစ်ခွင့်ရသည်အထိ ဘုရားရှင်သည် ကျွန်ုပ်တို့အပေါ် မေတ္တာထားတော်မူသည် ကိုဆင်ခြင်ကြလော့။ သို့ရာတွင် ယခုအချိန်ထိ ဤလောကီလူသားများသည် ဘုရားရှင်အား မရိုသေသည့်အပြင် ဘုရားမသိသူများဖြစ်သည့်အတွက် ကျွန်ုပ်တို့ကိုလည်း မည်သို့သောသူများဖြစ်ကြောင်း သူတို့မသိရှိကြချေ။

ဒုစရိုက်အပြစ် များကိုထပ်ခါတလဲလဲ ကျူးလွန်သောသူသည် မာရ်န်နှင့်တူ၏။ မာရ်န်နတ်သည် အစဦးကတည်းကပင်ထာဝစဉ်အပြစ်များပြုခဲ့သဖြင့် ဘုရားရှင်၏သားတော်သည် ထိုအပြစ်များအား ချေမှုန်း ဖျက်ဆီးပစ်ရန်ကြွလာခြင်း၏။

ဘုရားရှင်၏သားသမီးတို့သည် ဒုစရိုက်အပြစ်တို့ကိုထပ်တလဲလဲမကျူးလွန်တတ်ကြပေ။ ဘုရားရှင်၏ သားသမီးတို့တွင် ဘုရားရှင်၏ မြင့်မြတ်တော်မူသောဘုရားဝိညာဉ်တော်ကို ခံယူထားကြသဖြင့် အပြစ်တရားတို့ကိုဆက်လက်မကျူးလွန်တော့ပေ။

ဤလောကတွင်ကျွန်ုပ်တို့အတွက်လိုအပ် သည့်အရာများပြားလှ၏။ယုံကြည်သူအချင်းချင်း အကူအညီတောင်းခံလာပါက သနားဂရုဏာထား၍တတ်စွမ်းသရွေ့ကူညီပေးရမည်။ ထိုကဲ့သို့ သနားဂရုဏာစိတ်မရှိ သောသူသည် ဘုရားရှင်ကို မြတ်နိုးကိုး ကွယ်သူဟုပြော၍ မရနိုင်ပေ။

ဘုရားရှင်၏ ပညတ်တရားတော်တို့ကို လိုက်နာသောသူတို့သည် ကိုယ်တော်ယေရှုနှင့် တစ်ပေါင်းတစ်စည်းတည်းဖြစ်၍ ကိုယ်တော်သည်လည်း ထိုသူတို့နှင့် တစ်ပေါင်းတစ်စည်းတည်ဖြစ်လိမ့်မည်။ ဘုရားရှင်သည် ကျွန်ုပ်တို့နှင့် တပေါင်းတစည်းတည်းဖြစ်တော်မူသောကြောင့် ကျွန်ုပ်တို့အတွက် ပေးအပ်တော်မူသော ဉာဏ်အလင်းတော်အားဖြင့် ကျွန်ုပ်တို့သိကြ၏။

ဘုရားရှင်၏သားသမီးနှင့် မာရ်န်သားသမီးတို့ကို ခွဲခြား၍သိနိုင်၏။ ပညတ်တရားတော်နှင့်အညီ မနေထိုင်သောသူသည် ဘုရားရှင်၏သားသမီးမဟုတ်နိုင်ပေ။ တစ်ဦးနှင့်တစ်ဦးမေတ္တာမရှိသောသူသည် ဘုရားရှင်၏သားသမီးများမဟုတ်ပေ။

“ကျွန်ုပ်တို့အချင်းချင်း ချစ်ခင်ရမည်” ဟူသော ဤပညတ်တရားသည် အစအဦးကတည်းကပင် သင်တို့ ကြားသိခဲ့ရသောအရာများဖြစ်၏။

ထို့ကြောင့် မိတ်ဆွေတို့ လောကလူသားတို့သည် သင်တို့ကို မုန်းတီးလျှင် မအံ့ဩကြပါနှင့်။