Популярні біблійні вірші з 1 John 2

Поділитись

သင်တို့သည် ဤကမ္ဘာလောကကြီးကိုလည်းကောင်း ကမ္ဘာလောကတွင်ရှိသမျှသော အရာအားလုံးတို့ကိုလည်းကြောင်း မက်မောခြင်း ချစ်ခင်ခြင်းမရှိကြပါနှင့်။ ဤလောကီရေးရာကို ချစ်သောသူတို့သည် အဖဘုရားရှင်ကို ချစ်ခင်ကြည်ညိုမည့်သူမဟုတ်။ အကြောင်းမူကား ဤလောကတွင်ရှိသော သွေးသားတက်မက်ခြင်း၊ မျက်စိအာရုံ၏ တက်မက်ခြင်း၊ ဂုဏ်စည်းစိမ်တို့၌ယစ်မူးခြင်း စသည်တို့သည် အဖဘုရားရှင်နှင့်မသက်ဆိုင်ဘဲ ဤကမ္ဘာလောကနှင့်သာ သက်ဆိုင်၏။

ဤကမ္ဘာလောကနှင့် ထိုလောကီတပ်မက်ခြင်းများသည် တည်မြဲခြင်းမရှိဘဲ ကွယ်ပျောက်သွားရလိမ့်မည်။ သို့သော်လည်း ဘုရားရှင်၏အလိုတော်များကို ဆောင်ရွက်နေကြသောသူများသည် နိစ္စထာဝရအသက်ကို ရရှိလိမ့်မည်။

ကျွန်ုပ်တို့သည် ဘုရားရှင်နှင့်အတူ တစ်ပေါင်းတစ်စည်းတည်းရှိသည်ဟု ပြောဆိုသောသူသည် ကိုယ်တော်ယေရှုကဲ့သို့ အသက်ရှင်နေထိုင်ကြရမည်ဖြစ်၏။

ကျွန်ုပ်၏ ချစ်ခင်ရပါသော သားသမီးအပေါင်းတို့၊ သင်တို့သည် အပြစ်ဒုစရိုက်တရားအပေါင်းတို့ကို မကျူးလွန်မိစေရန် ဤစာအား ငါရေးသားလိုက်ရပါ၏။ အကယ်၍ တစ်စုံတစ်ယောက်သည် အပြစ်ဒုစရိုက်ကျူးလွန်မိလျှင် ဘုရားရှင်ထံ၌ ကျွန်ုပ်တို့အားကူညီဖြေရှင်းပေးသူဖြစ်သော ဖြောက်မတ်သည့် အရှင် ယေရှုခရစ်တော်ရှိ၏။

သို့သော် “ငါသည် ဘုရားရှင်အား သိကျွမ်းသောသူဖြစ်၏” ဟုဆိုကာ ဘုရားရှင်၏ နှုတ်ခပတ်တော်များကို လိုက်နာစောင့်ထိန်းခြင်းမရှိလျှင် ထိုသူသည် လိမ်လည်သောသူဖြစ်၍ ထိုသူ၌လည်း ဖြောင့်မတ်ခြင်းတရားတို့သည်လည်းမရှိ။

ဘုရားရှင်၏ နှုတ်ကပတ်တော်တရားအလုံးစုံတို့ကို လိုက်နာလျှင် ကျွန်ုပ်တို့သည် ဘုရားရှင်နှင့်သိကျွမ်းသောသူများဖြစ်ကြောင်းကို သိကြ၏။

“ငါသည် ဖြောင့်မတ်ခြင်းတရားတည်းဟူသော အလင်းအောက်တွင်ရှိနေသည်” ဟုဆိုကာ မောင်နှမကို မုန်းတီသောသူသည် အမှောထဲတွင်သာ ရှိနေသေး၏။

မည်သူသည် လိမ်လည်လှည့်ဖျားသူများဖြစ်ကြသနည်း။ ကိုယ်တော်ယေရှု့အား ငြင်းပယ်၍ ဆန့်ကျင်သောသူများသည် လိမ်လည်လှည့်ဖျားသောသူများဖြစ်၏။ ထိုကဲ့သို့သော ငြင်းပယ်၍ဆန့်ကျင်သောသူများသည် ဖဘုရားရှင်နှင့် သားတော်ကိုယ်တော်ယေရှုကို ငြင်းပယ်သူများဖြစ်၍ ယေရှု့ခရစ်တော်၏ ရန်သူများပင်ဖြစ်၏။

အကယ်၍ ကျွန်ုပ်တို့သည် သားတော်ကိုလက်မခံလျှင်အဖဘုရားအားငြင်းပယ်သူများသာဖြစ်၏။ သို့ရာတွင် သားတော်ကိုအသိအမှတ်ပြုသူသည် အဖဘုရားရှင်နှင့်တစ်လုံးတစ်ဝတည်းဆက်နွယ်သူများဖြစ်ကြ၏။