Популярні біблійні вірші з 1 John 4

Поділитись

ပြီးပြည့်စုံသောမေတ္တာတရားသည် အကြောက်တရားတို့အားလုံးကို အဝေးသို့လွင့်စင်ပပျောက်စေတတ်၏။ ကျွန်ုပ်တို့ပြစ်ဒဏ်စီရင်ခံရမည်ဟုတွေးတောဆင်ခြင် မိသောအခါ ကြောက်ရွံ့စိတ်များ ဖြစ်ပေါ်လာစေသည်။

ချစ်ခင်ရသော သားသမီးတို့၊ သင်တို့သည် ဘုရားရှင်၏ သားသမီးများဖြစ်၍ ထိုသူတို့ကို အောင်နိုင်ကြပြီ။ အဘယ်ကြောင့်ဆိုသော် သင်တို့၏ စိတ်နှလုံးထဲ၌ ကိန်းဝပ်တော်မူသော ဉာဏ်အလင်းတော်သည် ဤကမ္ဘာလောကသားများ၏ စိတ်နှလုံးထဲ၌ ကိန်းအောင်းနေသော ဝိဉာာဉ်ထက် ပို၍ကြီးမြတ်သောကြောင့်ဖြစ်၏။

ဘုရားရှင်သည်ကျွန်ုပ်တို့ အား ဦးစွာမေတ္တာထားတော်မူသဖြင့် ကျွန်ုပ်တို့သည်လည်း ဘုရားရှင်နှင့်တကွယုံကြည်သူအချင်းချင်းအား ချစ်ခင်လေးစားကြပါသည်။

ချစ်ခင်ရသော မိတ်ဆွေတို့၊ ဘုရားရှင်၏သားသမီးအဖြစ်ခံယူသူတို့သည် တစ်ဦးအပေါ်တစ်ဦးမေတ္တာထားတတ်သည့်အပြင် ဘုရားရှင်ကိုလည်း ဆည်းကပ်သောသူဖြစ်ကြ၏။

ဘုရားရှင်သည် လူအပေါင်းတို့အား သူ၏မေတ္တာတရားတို့ကိုထုတ်ဖော်ပြသတော်မူ၏ ။တစ်ဦးအပေါ်တစ်ဦး မေတ္တာတရား မထားရှိနိုင်သောသူသည် ဘုရားရှင်အား သိသောသူမဟုတ်ပေ။

ချစ်ခြင်းမေတ္တာဆိုသည်မှာ ဘုရားရှင်အပေါ် ကျွန်ုပ်တို့ထားရှိတော်မူသော ချစ်ခြင်းမေတ္တာကို ဆိုလိုခြင်းမဟုတ်။ ကျွန်ုပ်တို့၏ ဒုစရိုက်အပြစ်များအတွက် အသက်စွန့်တော်မူသော သားတော်ကို စေလွှတ်တော်မူ၍ ကျွန်ုပ်တို့အပေါ်ထားသော ဘုရားရှင်၏ ချစ်ခြင်းမေတ္တာကို ဆိုလို၏။

ချစ်ခင်ရသော မိတ်ဆွေတို့၊ ဘုရားရှင်သည်ကျွန်ုပ်တို့အား ဤကဲ့သို့ မေတ္တာတရားထားရှိတော်မူလျှင် ကျွန်ုပ်တို့ သည်လည်း အချင်းချင်း ချစ်ခြင်းမေတ္တာထား ကြရမည်ဖြစ်၏။

ကျွန်ုပ်တို့၏အသက်ကို ကယ်တင်နိုင်ရန်အတွက် ဘုရားရှင်သည် သူ၏တစ်ဦးတည်းသောသားကို ဤကမ္ဘာလောကသို့ စေလွှတ်တော်မူခြင်းဖြင့် ကျွန်ုပ်တို့အပေါ် ထားရှိသော မေတ္တာတရားများကို ဖော်ပြတော်မူ၏။

သို့ရာတွင် “ဘုရားရှင်အား ကြည်ညိုမြတ်နိုးသည်”ဟု ဆိုကြပြီး တစ်ဦး အပေါ်တစ်ဦး မေတ္တာတရားမထားကြပါက ကျွန်ုပ်တို့သည် လူလိမ်လူညာများသာဖြစ်ကြ၏။ ကျွန်ုပ်တို့မြင်တွေ့နိုင်သော သူများကိုပင် မေတ္တာတရားမထားရှိနိုင်ကြလျှင် မမြင်နိုင်သောဘုရားရှင်အား ကြည်ညိုလေးစားလိမ့်မည်မဟုတ်။

တစ်စုံတစ်ယောက်က ကိုယ်တော်ယေရှုသည် ဘုရားရှင်၏သားတော်ဖြစ်ကြောင်း ဝန်ခံပြောဆိုလျှင် ဘုရားရှင်သည်လည်း ထိုသူနှင့်တစ်ပေါင်းတစည်းတည်း ဖြစ်တော်မူ၍ ထိုသူသည်လည်း ဘုရားရှင်နှင့် တပေါင်းတစည်းတည်းဖြစ်လိမ့်မည်။

“ဘုရားရှင်ကိုချစ်မြတ်နိုးသောသူသည် ညီအစ်ကိုမောင်နှမကိုလည်း ချစ်ရမည်” ဟူသော ပညတ်တော်ကို ကိုယ်တော်ယေရှုသည် ကျွန်ုပ်တို့အား ပေးတော်မူ၏။

ချစ်ခင်ရသော မိတ်ဆွေအပေါင်းတို့ ဉာဏ်အလင်းတော်အားဖြင့် ဟောပြောသည် ဟု ပြောဆိုနေကြသူတိုင်းကို မယုံကြည်ကြနှင့်။ ထိုဉာဏ်အလင်းတော်သည် ဘုရားရှင်ထံမှလာသော ဉာဏ်အလင်းတော် ဟုတ်မဟုတ်ကို စစ်ဆေးကြလော့။ အဘယ်ကြောင့်ဆိုသော် အရိယာသူတော်စင် အတုအယောင်များစွာတို့သည် ပေါ်လာကြမည်ဖြစ်သောကြောင့်ဖြစ်၏။ ယေရှုခရစ်တော်သည် ဘုရားရှင်ထံမှ လူ့ဇာတိကိုခံယူ၍ လူသားစင်စစ်အဖြစ် ကြွလာသည်ကို ဝန်ခံပြောဆိုသော သူသည်သာလျှင် ဉာဏ်အလင်းတော်သက်ရောက်သောသူဖြစ်၏။

သို့ရာတွင် တစ်စုံတစ်ယောက်သော သူက ထိုသို့ဝန်ခံပြောဆိုခြင်း မရှိခဲ့လျှင် ထိုသူ၌ ဘုရားရှင်၏ ဉာဏ်အလင်းတော်သက်ရောက်ခြင်းမရှိဘဲ သူသည် ခရစ်တော်ကို ဆန့်ကျင်သောသူ၏ ဉာဏ်အလင်းတော်သာဖြစ်၏။ ထိုဆန့်ကျင်းငြင်းပယ်သောသူ၏ ရန်သူသည် ဤကမ္ဘာလောကသို့ရောက်လာတော့မည် ဟု သင်တို့သိထားသောသူပင်ဖြစ်၏။