Популярні біблійні вірші з Pilipai 4

Поділитись

Opongengi uuali uasi, no anu mi ma'ia la ngapili­xinu noxou Mosingesi. Ngavikala noxou mo ngavikala laixe so ngalingau su'uli no anu ngiou aneva.

Xo axone la Mosinge u'oxonu opongengi uai se'isisi e se'isisi. Vote'i so mi ne axovaio, xo uua'ulixu xavutalamenge avile? Ia tava'u xo ngaxolu noxou Kalaisiti Iesua, laso xoluxolu lalavulusi ulosinge ne uutululunu opongengi ilou tangengi.

Ioxe tavivilo, vaikalaxeli telexu aloxo 'o. Utotomu xavutalamengi uxoxolu no anu mi ane kalavoi no anu uasi xe mi laixe so tataxanu xe mi ane ulapusi xe mi ane malemalenga xe mi ane so sexelasi xe mi ane tamitema ivikalasou laixesi. Ani, ngaxavutalanu mimi ane lailaixe u'uli'uli xe mimi ane temanu laixe so ta'itinu axonesi.

Xo noxou anu ane ulavusou ulosilo xavi, la amo­momo no anu mimi mukalusi.

Utotomu ngaxolu nga'osa no anu xoluxolu noxinge noxou Tatana­nenge. A alemolu 'ola, ngaxolu nga'osasi.

La Mosilo muso­sovosou mimi lailaixe mulolutu noxou so taxalisou a noxou Kalaisiti Iesua. Laso mi ma'ia laixe so xoluxolu noxinge ane ngasoti no anu la anu umo­momosou ane.

Laso ane, mi ma'ia epela'ingexu xe ngekasou laixe mo mi ma'ia ngelomusilo elemolu mo ngemai­silo e'oxonu, la ngamulimulinu axone utotomusi. La anu Mosinge e mosou xoluxolu lalavulusi a uxolu noxinge ne.

Anu laixe so upalasi no ie'i tamitema latala lexe opongengi lexasi noxi'a tamenexinge. Mo ngalavu aloxo 'o, Tatananenge alaimanasi.

Loxo a'olo­xola o axolu no anu mimi latanu la anu mi vile uasi. Eni loxo exalisou laki no anu vote'i so opoleli uai se'isisi no anu xoluxolu iouiou. Laso loxo la'ilalixo ulolutu o asolixo xe loxo mimixeli tavu'alo o akamuli avile la eni axolu a'osasi.

Ia anu loxo axolu 'o mo opoleli ukakamuli mimi se'i asoti no anu ka avikala aloxo 'o uasi. Xo eni eno'u lavulavu no anu vote'i so loxo axolu kaini axova, la opoleli uai se'isisi no anusi.