Популярні біблійні вірші з MAHTE 10

Поділитись

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

Tinang a asak hpe lahpawt ai wa gaw, asak sum na ra ai; nye a jaw e, tinang a asak jasum ai wa chyawm gaw, asak mu la na ru ai.

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

Tinang a wudang hpai let, nye a hpang n hkan ai wa gaw, nye a sape tai na n ging n dan nga ai.

Kadai rai ti mung, masha ni a man e ngai hpe yin la ai wa hpe gaw, dai hte maren Sumsing lamu na Nye Wa a man e ngai yin la na we ai. Masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e ngai nyet kau na we ai.

Machyi makaw hkrum ai ni hpe shamai ya mu; si mat ai ni hpe sharawt dat mu; manggang kap ai ni hpe jaseng ya mu; nat ni hpe shaden kau mu; jahpu n jaw ai sha nanhte lu la manit ai rai nna jahpu n hpyi ai sha she jaw ya mu.

Dai re ai majaw hkum hkrit myit; u tsa law law hta nanhte grau hpu nga myit dai!

Mungkan ga de ngwi pyaw sim sa ai lam jaw na matu ngai du sa ai ngu nna hkum myit nga myit; ngwi pyaw sim sa ai lam jaw na matu ngai du sa nngai n rai, nhtu hpe mahtang ngai la sa ring ngai.