Популярні біблійні вірші з Génesis 32

Поділитись

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Co'na'le, ca 'naaco' so ỹale: —Yayaxañirec, ma' mashic richiguiñi. Ca' so Jacob 'naaco': —Sqai saxañirec, no'm se qouaquiric.

Ca co'na' qaisoota nodaatec so Jacob, ca anaco' so ỹale. Ca' reloquita'pegue' so'maxare pelom, chi ỹovireto'o' na' richiguiñi.

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Qam so ỹale co'na' ỹa'den quiyim se ishit loxonec so Jacob, ca' ỹouaxañigui ana liỹegue. Ca so Jacob sogui ana liỹegue na' ñaq reloquita'pegue' so'maxare.

Ca so ỹale renataxano', 'naaco': —¿Negue' ca qadeenaxachi'? Ca' so'maxare 'naaco': —Ỹim ỹeenaxat Jacob.

Ca' so Jacob inato' so'maxare, 'naaco': —Nagui, ca' choxochirim ca qadeenaxachi'. Qam so ỹale 'naaco': —¿Chi'negue ma' yinachisa'pegue ca ỹeenaxat? Ca na' ime, ca' so ỹale ỹaanem da nqouagaxa so Jacob.

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Vichiguiño' vire'ta nagui na llaalqaipi so Israel se ỹa'ic só'maq la'at quiichigui ana liỹegue na isecỹac, ma' chaqaiyi yí'maq qaỹouaxanchi'ño' na'le queso Jacob.

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

¡Ñaq qouaquiric, yca'laxachirec queca ỹaqaỹa Esaú, qaiyi se youaxan! Paguec da iqolonaxa quiyim anac, ca nalauachiñi naua 'aalo chaqai na llaalqaipioqui' chaqai quiyim yoqocac.