Популярні біблійні вірші з Iáno 14

Поділитись

Me jačkirava ramánjo (miro) tuménge, Miro ramánjo Me dáva tuménge: ne na adiáke, syr svéto déla, Me dáva tuménge, i mek te na strahadjol tumaró iló, i te na darel.

Isúso phendiá léske: “Me som drom i čačipén i džiibén; nikón na javéla ke Dad, syr jekh pir Mánde.

“Mek iló tumaró te na strahadjol; patián dre Devléste i patián dre Mánde.

Obradypnaskiro, Savó isyn Dúho (Fáno) Svénto, Savó bičhavéla Dad vaš Miro lav, vysykliakirela tumen sareske i saró čhuvéla dre tumarí godý, pal so Me rakirdjom tuménge.

Odová, konéste isyn Miré priphenybená, i kon rakhéla len, odová rikiréla Man syr Drógima dro iló, i Dad Miro sykavéla patýv léske, i Me adiáke-pac' javáva te sykavav patýv léske, i Me sykadjovava Kokoró Pes léske.”

I Me pomangava Dadés, i Jov déla tuménge javire Obradypnáskires (Utiešytieljos), savó ŭsády (sak) javéla tuménca; davá isyn Dúho (Fáno) čačipnáskiro, Saves svéto naštý te prilel, pal-dová so jov na dykhéla Les i na džinéla; ne tumé Les džinéna, pal-dová so Jov isyn tuménca i javéla dre tuménde.

I so tumé te na pomangen Dadéstyr Miré lavéstyr, Me saró keráva dová, i Dad sykavéla Péskiri sláva pir Čhavéste. Kóli so te ná mangen Miré lavéstyr, Me dová keráva.

Kóli tumé rikiréna Man syr Drógima dro iló, to kerén dová, so Me priphendjom tuménge.

Dre Miré-Dadéskiro kher isyn but štéty; ne kóli te na javél adiáke, Me phenavas tuménge: Me džáva te kedav štéto tuménge?”

I kiéli Me džáva i kedava štéto tuménge, Me javáva nevéstyr i lavá tumen ke Pe; sob (kaj) i tumé te javén odój, kaj Me javáva.

Fama phendiá Léske: “Rajo Dévla! Ame na džinása, karik Tu džása; syr ame moginasa te džinas drom odorík?”