Популярні біблійні вірші з Iáno 13

Поділитись

Me dáva tuménge nevó priphenybén: javén dróga jekh vaš jekhéske; syr Mánge, adiáke-pac' i tumé javén dróga jekh vaš jekhéske. Pir davá udžinena saré, so tumé san Miré sykliaibnýtka, kóli javéla láska maškír tuménde.”

I kóli Me, Devél i Sykliakiribnáskiro vymordjom tuménge ĥerá, adiáke-pac' i tuménge trej te moren ĥerá jekh jekhéske. Me dyjom tuménge primiéro (sykaibén), sob (kaj) i tumé te kerén adiáke-pac', so Me kerdjom tuménge.

Isúso otphendiá léske: “So Me keráva, kakaná tu na ĥaljosa, ne saró tu ĥaljosa korigedýr.”

Čačes, čačes Me rakiráva tuménge: dynári isyn na baredýr péskire Rástyr, i odová, kon bičhadó, nane baredýr odoléstyr, Kon bičhadiá les.

Kóli tumé džinéna davá, tumé javéna bahtalé, kóli i javéna te kerén adiáke-pac'.

Isúso uštyjá skamindestyr, zlyjá Péstyr upratuno uribén, lyjá rušnika (khosno) i podphandiape lása. Paló (poslie) Jov čhudiá paní dro moribnaskiro čaró i lyjá te morel ĥerá sykliaibnytkonénge i te khosel rušnikasa, savjása Jov sys podphandlo.