Популярні біблійні вірші з လံာ်တၢ်ဂံၢ် 13

စီၤကၤလ့းဒုးအိၣ်ဘှီၣ်ပှၤဂီၢ်မုၢ်လၢအကဒူးကဒ့ၣ်တၢ်ထီဒါ စီၤမိၤၡ့ဒီးစံးဝဲဒၣ်, “ပကြၢးလဲၤထီၣ်ဒုးတၢ်ခဲအံၤဒီးမၤန့ၢ်ကီၢ်န့ၣ်လီၤ. ပဂံၢ်ပဘါအိၣ်လၢလၢပှဲၤပှဲၤလၢပကမၤနၢၤအီၤအဂီၢ်လီၤ.”

ဒီးပထံၣ်ဒၣ်လဲာ်ပှၤနီၢ်ဒိၣ်နီၢ်သွါတဖၣ်ဖဲန့ၣ်, စီၤဧနးအစၢၤအသွဲၣ်တဖၣ်န့ၣ်လီၤ. ပကွၢ်လီၤပသးလီၤဂာ်မးဒ်ဒွဲၣ်ဖိတြၤဖိတဖၣ်ဒီးပကဖျါလီၤဂာ် စ့ၢ်ကီးဒ်န့ၣ်, လၢအဝဲသ့ၣ်အမဲာ်ညါန့ၣ်လီၤ.”

ဘၣ်ဆၣ်ဒီးပှၤတဖၣ်လၢအလဲၤဃုာ်တ့ၢ်တၢ်ဒီးစီၤကၤလ့းစံးဝဲ ဒၣ်, “တမ့ၢ်ဘၣ်. ပဂံၢ်ပဘါတလၢ, လၢပကလဲၤထီၣ်ဒုးအဝဲသ့ၣ်အဂီၢ်ဘၣ်. ပှၤအိၣ်ဖဲန့ၣ်တဖၣ်အဂံၢ်အဘါဆူၣ်ဒိၣ်န့ၢ်ပှၤတက့ၢ်လီၤ.”

မၤသးဒ်န့ၣ်ဒီးအဝဲသ့ၣ်ရၤလီၤတၢ်ကစီၣ်လၢအတတီလၢပှၤအံၣ်စရ့ လးဖိတဖၣ်အကျါဘၣ်ဃးဒီးကီၢ်လၢအဝဲသ့ၣ်လဲၤဃုထံၣ်သ့ၣ်ညါဝဲ အဂ့ၢ်န့ၣ်လီၤ. အဝဲသ့ၣ်စံးဝဲဒၣ်, “ကီၢ်အဝဲန့ၣ်ဟ့ၣ်ထီၣ်အတၤသၣ်တလၢဝဲလၢပှၤအိၣ်ဖဲန့ၣ်တဖၣ် အဂီၢ်ဒၣ်လဲာ်ဘၣ်. ပှၤကိးဂၤဒဲးလၢပထံၣ်ဘၣ်တ့ၢ်အီၤန့ၣ်အဂီၤထီဒိၣ်မး

အဝဲသ့ၣ်စံးဘၣ်စီၤမိၤၡ့, “ပလဲၤဃုထံၣ်သ့ၣ်ညါတ့ၢ်ကီၢ်န့ၣ် ဒီးပထံၣ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲလီၤ. ဒီးအအံၤမ့ၢ်အတၤသူတၤသၣ်တနီၤန့ၣ်လီၤ.

ဘၣ်ဆၣ်ဒီးပှၤဂီၢ်မုၢ်လၢအအိၣ်ဖဲန့ၣ်တဖၣ်အဂံၢ်အဘါဆူၣ်ဝဲ, ဒီးအခူအဝ့ၢ်တဖၣ်ဒိၣ်ဝဲဒီးအခိၣ်ဒူအိၣ်ကျၢၤဝဲဂ့ၤဂ့ၤလီၤ. အၢန့ၢ်အန့ၣ်ဒၣ်လဲာ်ပထံၣ်တ့ၢ်ပှၤနီၢ်ဒိၣ်နီၢ်သွါအစၢၤအသွဲၣ် တဖၣ်ဖဲန့ၣ်လီၤ.

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.