Популярні біблійні вірші з Mataayi 10

Поділитись

“Lolagha, nɨkʉvasuungʼha hwene ngʼholo pakate pa ngʼhekeeva. Mʉvisaghe vasʉfu ndavʉle ɨnjoka, kange mʉvisaghe vahʉʉgʉ ndavʉle ɨngʼhʉnda.

Ʉmuunhu jʉno ilonda kupoka ʉvwʉmi vwake, ʉjuo ikwambʉsia, neke ʉmuunhu jʉno ikwambʉsia ʉvwʉmi vwake vwɨmɨla ʉne, ʉjuo iliiva nʉ vwʉmi ʉvwa kʉvʉsila kʉsila.”

Namʉngavoghopaghe vano vibuda ʉmʼbɨlɨ ghwene, looli mʉmwoghopaghe ʉNgʉlʉve jʉno itipula lwoni. Itipula nʉ mwoto ghʉno naghusima lʉsiku.

Ʉmuunhu ghweni itavʉlaghe kʉkʉmbɨngɨlɨla ʉne na kupumusivua, nambe kʉʉve kwe kʉfua. Nave naivomba ʉluo naanoghiile kuuva mʼbɨngɨlɨli ghwango.

“Ʉmuunhu ghweni jʉno ikwɨtɨka pamaaso gha vaanhu kuuti ɨkʉmbɨngɨlɨla ʉne, na jʉʉne nilikwɨtɨka pamaaso gha Nhaata ghwango jʉno alɨ kʉkyanya kuuti ʉjuo mʼbɨngɨlɨli ghwango. Neke ʉmuunhu jʉno ɨkʉngʼhaana pamaaso gha vaanhu, na jʉʉne nilikʉnkaana pamaaso gha Nhaata ghwango jʉno alɨ kʉkyanya.”

Mʉsosyaghe avatamu na vanya bʉʉba, mʉsyʉsyaghe avafue, na kudaga amapepo. Mʉpelilue vʉvʉle ʉvʉtavʉlɨlua ʉvuo, na jʉmue mʉvatangaghe avaanhu vʉvʉle.

Lɨno, namʉngavoghopaghe, ʉlwakʉva ʉmue lʉvʉmbʉlɨlo lʉkome pamaaso gha Ngʉlʉve kukila ʉtʉjuni ʉtwinga.

“Mʉlekaghe kusaagha kuuti nisile kuleeta ʉlʉtengaano mʉ ɨɨsi. Jeeje, nanisile kuleeta ʉlʉtengaano, looli kupela amabaatu.