Популярні біблійні вірші з 1 Wakorint̯o 13

Поділитись

Muntu akiwa na matsako kwa mwenziwe anamuit̯isia na kuwa mwema kwakwe; nkawezi kuwa na wivu ambu kudzishad̯a na wala kudziona. Muntu akiwa na matsako kwa mwenziwe anawa na hila nae, nkawe na umimi wala ngoro za mpuyani, na nkamut̯aliye mazuka.

Muntu eye na matsako anabea kula dzambo. Serefano yakwe, madzikwat̯yoye na kuit̯isakwe ntakusiye.

Nkatsekezwe ni mazuka, ela anatsekezwa ni mahendo ya hachi ya muntu.

Dza viivyo haya mambo mohahu, yani faro, madzikwat̯yo na matsako, ntaya mwiso. Na dzambo kuu ḍya mwiso ni matsako.

Matsako ntaya mwiso. Ela mat̯ola ya kusumwiiya Maagu ya Muungu, yadzawa na mwiso. Mat̯ola ya kunena na lugha ngeni yadzat̯uruma, na mat̯ola ya kuwa na umanyi nayo yadzasia.

Njia nyema ya mwiso kuchia hizi zingine ni hii: Hat̯a ninkiwa na t̯ola ya kunena lugha garagara za wanaad̯amu na za malaika, na huku si matsako kwa wangine, ḅasi kunena kwangu kwaa dza muiyo wa d̯eḅe hupfu ambu wa mbui iyokubigwani.

Na naweza kuwa na t̯ola ya kusumwiiya maagu ya Muungu, naweza kumanya kula kintu na kuimuka ngadzi zonse, naweza kuwa na faro ya kut̯osa kusamya mirima, ela ninkitsaawa na matsako kwa wangine, mimi si maana yaḍeyonse.

Naweza kuyavya kwa masikini vyonse nivyonavyo, na hat̯a niuyavye na hu mwii wangu utsomwe, ela ninkitsaawa na matsako kwa wangine, hivi ntavinifaiḍi kintu.

Nipfokuwa mwana kachuchu, ninkinena kiḍyana, mat̯aro yangu yewa nza kiḍyana, na hat̯a mambo yangu yewa nza kiḍyana. Ela hivi nigaliyevyo muntu mukuu, mambo ya kiḍyana niyayatsa.