Популярні біблійні вірші з Pemungkal 32

Поділитись

Ku orang nya, “Nama nuan ukai Jakop agi. Nuan udah bibat ngelaban Allah Taala, enggau ngelaban mensia, lalu nuan udah menang. Nya alai, nama nuan Israel.”

Ku orang nya bejaku, “Anang megai aku agi. Hari nyau tawas.” “Aku enggai ngelengkaka nuan, enti nuan enda merekatka aku,” ku Jakop nyaut iya.

tang iya empu ninggalka diri ba kem nya. Udah nya siku lelaki datai, lalu bibat enggau iya, nyentuk ngagai rerak tawas pagi hari siti.

Ku Jakop, “Aku udah betemu betunga mua enggau Allah Taala, lalu aku agi mengkang idup.” Nya alai, iya ngumbai endur nya Penil.

Lebuh orang nya nemu diri enda ulih ngalahka Jakop, iya lalu mukut punggung Jakop. Tulang punggung Jakop lalu tebelingkah.

“Sapa nama nuan?” ku orang nya nanya. “Jakop,” ku Jakop nyaut.

Ku Jakop, “Padahka nama nuan ngagai aku.” Tang ku orang nya nyaut, “Nama kebuah nuan keran deka nemu nama aku?” Udah nya iya lalu merekatka Jakop.

Aku enda patut nerima semua pemanah enggau penetap ati ti udah ditunjukka Nuan ngagai aku ti ulun Nuan, laban dulu menya lebuh aku meraka Sungai Jordan aku semina mai siti tungkat aja, tang diatu aku pulai mai raban dua bengkah tu.

Nyentuk ngagai sehari tu bala peturun Israel enda makai gumpal isi ti ba punggung jelu, laban Jakop udah kena bukut ba gumpal isi nya.

Udah nya Jakop lalu besampi, “Allah Taala aki aku Abraham, enggau Allah Taala apai aku Isak, dingaka aku! Nuan TUHAN udah ngasuh aku pulai ngagai menua aku, ngagai kaban belayan aku, lalu Nuan deka ngasuh aku mujur dalam semua utai.

Aku besampi, minta Nuan ngelepaska aku ari kuasa menyadi aku, Esau. Aku takut, enggai ke iya datai nyerang, lalu munuh semua bala kami, nyengkaum indu nembiak.