2 कुरिन्थियां 12
12
पौलुस उपर प्रभु चा खास अनुग्रह
1जबकि माये वास्ते घमण्ड करने ठीक कोनी, बल्ति वी करना पड़े। पर मैं प्रभु चे ङिले हुले दर्शन ते प्रकाशना ची चर्चा करी। 2मैं हेक इसड़े इन्साना नु जाणे जको मसीह चे विश्वासी छै। चौहङा साल पेहले ईं इन्सान तीजे स्वर्ग़ा तक उपर चती गेहले गेले, शरीरा लारे जा बिना शरीरा चे, मनु पता कोनी, हा तां सेर्फ नरीकार ही जाणे। 3मैं ऐ इन्साना चे बारे मां तां जाणे कि ईं स्वर्ग़ा मां चवीले गेले, पर ईं ना जाणी कि ईं इन्सान शरीरा लारे जा बिना शरीरा चे, हा तां सेर्फ नरीकार ही जाणे। 4ओ स्वर्ग़ा मां चती गेहला गेला, ओणे ओठे इसड़े अनोखे वचन सुणले, वांचा वर्णन करना कुई बन्दे ची बसा ची बात कोनी। 5इसड़े इन्साना चे उपर तां मैं घमण्ड करे, पर खौद्द आपणे बारे मां ना, सिवाय ऐचे कि आपणीया कमजोरीया नु छोड़ती कर मैं घमण्ड नी करी।
6अगर मैं घमण्ड करने चाहवे वी तां मूर्ख नी बणी, कांकि सच्च ब़ोली, तां वी रुकती जाये, इसड़े ना हो कि, जिसड़े कुई मनु ङेखे, जा ते बल्ति माये कनु सुणे, मनु ओचे कनु बढ़ती कर समझे।
शरीरा मां कांटा
7ते ऐवास्ते कि मैं प्रकाशना ची वजह कनु घणा घमण्ड ना करे, माये शरीरा मां हेक कांटा चुभाला गेला यानिकि शैताना चा हेक दूत मनु घूसे मारो ताकि मैं घमण्ड ना करे। 8ऐ कांटे चे बारे मां मैं प्रभु कनु तीन वारी बिनती करली कि, ऐनू माये कनु दूर करती नाखो। 9ते ओणे मनु केहले कि, “माया अनुग्रह दुधे वास्ते घणा छै, कांकि माई ताकत कमजोरी मां पक्की हुवे।” ऐवास्ते मैं बङी खुशी लारे आपणीया कमजोरीया उपर घमण्ड करी, कि मसीह ची सामर्थ माये उपर छां करती रिहो। 10ये वजह कनु मैं मसीह चे वास्ते कमजोरीया, अपमान, कष्ट, संकट, ते मुसीबता मां पुरी तरावें सन्तुष्ट छै। कांकि जिसे बेले मैं कमजोर रिहे, ओ बेले ही मैं बलवन्त रिहे।
कुरिन्थियां चे वास्ते पौलुस चा प्रेम
11मैं मूर्ख तां बणला, पर तम्ही मनु मजबूर करले, तम्हानु नु तां माई बढ़ाई करनी चाही छै, कांकि अगर मैं कोच्छ वी कोनी, तां वी वां प्रेरितां कनु कुई वी बाते मां कम कोनी जानु तम्ही बङे किहा। 12हेक सच्चे प्रेरित चा सुभाव किवें रिहे वे, यूंही मैं तम्चे बीच मां सब्रा लारे रेहती कर, चैन्ह नु, अचम्भे चे कामा नु, ते सामर्थ चे कामा लारे ङिखाणले। 13तम्ही किसी बाते मां नेरीया कलीसिया कनु कम कोनी समझले गेले। सेर्फ ऐचे मां कि मैं तम्चे उपर बोझ कोनी बणला माया। हा अपराध माफ करा।
कलीसिया चे वास्ते प्रेम
14हमा, मैं तीजा वारी तम्चे गोढु आणे वास्ते तियार छै, ते मैं तम्चे उपर कुई वी वजन नी नाखी, कांकि मैं तम्ची धन-दौलत कोनी, पर तम्हानु नु चाहवे। ब़ाला नु आई-ब़ा चे वास्ते धन भेला नी करना चाही छै, पर आई-ब़ा नु आपणी ऊलाद्धी वास्ते धन भेला करना चाही छै। 15मैं तम्चे वास्ते घणी खुशी लारे खर्च करी बल्कि आपणे आप नु वी ङिती ङी। का जितना बधती कर मैं तम्चे लारे प्रेम राखे, ओचे कनु घटातीकर तम्ही माये लारे प्रेम राखा?
16कोच्छ वी हो, मैं तम्चे उपर कुई बोझ कोनी बणला। फेर वी कोच्छ लौक किही मैं कूड़ा छै ते चतराई लारे तम्चा फायदा चला। 17तम्ही ही बावड़ा। का वास्तव मां जा बन्दा नु तम्चे गोढु भेज़ती कर मैं तम्चा गलत फायदा चला? 18तीतुस नु तम्चे गोढु भेज़णे ची मैं बिनती करली हुती, ओचे लारे आपणे ऐ भावां नु वी मैं ही भेज़ले हुते। का तीतुस ने तम्चा गलत फायदा चला? का अम्ही हेकी आत्मा चे चलाले कोनी चढ़ले? का अम्ही हेकी ही लेणी उपर कोनी टुरले?
19तम्ही हालि तक समझते पले वा, कि अम्ही तम्चे सामणे सफाई ङिऊं पले। इसड़े कोनी। अम्ही तां नरीकारा नु मौजुद जाणती कर मसीह मां ब़ोलु। ते हे प्यारे, जको कोच्छ अम्ही किहुं ते करु ऊं तम्ची बढ़ोतरी वास्ते ही किहुं। 20कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो। 21ते कङी इसड़े ना हो कि जिसे बेले मैं पुठा आवे, माया नरीकार माई बेइज्जती करो ते मनु घणा वास्ते बल्ति कनु ङोख चवणा पड़ो, जेह्णे पेहले पाप करला हुता, ते वे गन्दी कामे, ते व्यभिचार, ते लोचपण कनु, जको वाणे करले मन कोनी फिराले।
Seçili Olanlar:
2 कुरिन्थियां 12: ODR
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
CC BY-NC-ND 4.0