2 कुरिन्थियां 13
13
आखरी चितावनी ते नमस्कार
1हमा तीजी वारी मैं तम्चे कनु आवे पला। पवित्रशास्त्र मां ईं लिखले पले कि, “ङोन जा तीन ग़वाहा चे मुँहा कनु हर हेक बात ठहराली जई।” 2जिसे बेले ङुजा वारी मैं तम्चे लारे हुता, यूंही हमा दूर रेहते हुले वा लौका नु जेह्णे पेहले पाप करला हुता, ते नेरे सब लौका नु हमा पेहले कनु केहती ङिये कि अगर मैं बल्ति आवी तां नी छोड़ी। 3तम्ही तां ऐचा सबूत चाहवा कि मसीह माये मां ब़ोले। ओ तम्चे वास्ते कमजोर कोनी, पर तम्चे मां सामर्थी छै। 4ओ निर्बलता ची वजह क्रूसा उपर चढ़ाला तां गेला, तांवी नरीकारा ची सामर्थ लारे जीता छै। अम्ही वी ओचे मां कमजोर छिऊं, पर नरीकारा ची सामर्थ लारे जको तम्चे वास्ते छै, ओचे लारे जिऊं।
5आपणे आप नु परखा कि विश्वास मां छिवा जा कोनी, आपणे आप नु जांचा। का तम्ही आपणे बारे मां ईं ना जाणा कि ईशु मसीह तम्चे मां छै? ना तां तम्ही जांच मां निक्कमे निकड़ले छिवा। 6पर माई आस छै कि तम्ही जाणती गिहा कि अम्ही निक्कमे कोनी। 7ते अम्ही आपणे नरीकारा कनु हा प्राथना करु कि तम्ही कुई बुराई ना करा, ऐवास्ते ना कि अम्ही भले ङिसु, पर ऐवास्ते कि तम्ही भलाई करा, चाहे अम्ही भले ही निक्कमे ठहरु। 8कांकि अम्ही सच्चाई चे विरोध मां कोच्छ ना कर सग़ु, पर सच्चाई वास्ते ही कर सग़ु।
9जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा। 10ऐह वजह कनु दूर हुते हुले वी मैं तम्हानु ईं सब लिखे पला, कि ओठे मौजुद हुवणे उपर मनु प्रभु चे जरिये ङिला गेला अधिकार चा प्रयोग कठोर भाव लारे ना करना पड़ो। ऐ अधिकार चा मकसद बढोतरी करनी छै, ना कि नाश करने कोनी।
शुभकामना ते आशीर्वाद
11हमा, हे माये भऊ, तम्ही खौश रिहा। सेद्ध बणते जावा, तसल्ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।
12हेके-ङुजे नु हाथ जोड़ती कर नमस्कार करा।
13इठले सारे नरीकारा चे लौका चे तरफु तम्हानु नमस्कार।
14प्रभु ईशु मसीह चा अनुग्रह ते नरीकारा चा प्रेम ते पवित्र आत्मा ची सहभागिता तम्चे सब लारे हुती रिहो। आमीन।
Seçili Olanlar:
2 कुरिन्थियां 13: ODR
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
CC BY-NC-ND 4.0