Matíe 13 Popüler Kutsal Kitap Ayetleri

Paylaş

Glɩglɩlɩ ànɩ̀ɛ̀ bhli náma dʋ̀dʋ̀ɔ̀ a mnɩ́ a, ɩ́mɩ́ ŋwɔ́ɔ nyʋaá nɩ̀ pʋ Lagɔ̀wɔ̀lɩ̀ɛ̀ nyúkwlí lé à núí a, bhʋ́anaá trʋɛ bhí, àna trʋɛ bhí a gwlɩ̀ gbɩ́, àna trʋɛ bhí a gwlɩ̀ ta, lé àna trʋɛ bhí a glʋ̀ lé kʋ́gbá.»

Glɩglɩlɩ ànɩ̀ɛ̀ bhli dʋ̀dʋ̀ɔ̀ mnɩ́ nynícié kʋ a, ɩ́mɩ́ ŋwɔ́ɔ mà nyʋaá núé Lagɔ̀wɔ̀lɩ̀ɛ̀, mà zɩkpa zɔ̀ a lɩ́ a mʋ́mɔ kalɩmɛ lé mɔ̀ɔ a sɩsɩ́ leyrié a lilíé gbíé Lagɔ̀wɔ̀lɩ̀ɛ̀ wlú lé ɩ nɩ́ mʋ dá.

Nyɔ nɩ pʋ Lagɔ a Léyibhlɩɛ́ a mnɩ́ a wɔlɩ́ nyúkwlí lé ɔ nɩ nɩ́ ɩ́ nú a, ɔ́ wlʋ́ mànɩ́ glɩglɩlɩɛ́ ɩ̀ bhli nyúzɔ̀kìkèlí gɔ̀ lé Dɩ́blʋ̀ɔ̀ yi lé ʋ́ sa ɔ̀ mɩ́ duo kʋ́.

Glɩglɩlɩɛ́ bhli cɔ́kpalɩ́dʋ̀dʋ̀ɔ̀ mnɩ́ a, ɩ́mɩ́ ŋwɔ́ɔ nyʋaá núé Lagɔ̀wɔ̀lɩ̀ɛ̀ lé ɩ́ ka lɔlɔ kʋ́ a, mà a nɩ́ cíe Lagɔ̀wɔ̀lɩ̀ɛ̀ sá lé ɩ ká sikpli ŋwʋ́, a nɩ́ gwlɛ Lagɔ̀nyùzɔ̀ɔ̀ kʋ́. A nɩ yɛ́ kalɩmɛ tòyipɛ Lagɔ̀wɔ̀lɩ̀ɛ̀ a mnɩ́ a, ɩ́ kalɛ ŋnɩ́ lé á wlʋ́ɛ́ sɩsɔɔ́ Lagɔ̀nyùzɔ̀ɔ̀ kʋ́.

Lé Zozíi srʋ á sɔ́kʋ́ mà: «Lagɔ a Léyibhlɩɛ́ wlʋ́ mànɩ́ nyɔɔ́ vú lágba a mnɩ́ sìkàbhuo zɔ̀, ɔ vú á zɔ̀ a, ɔ́ zízìè à sɔ́kʋ́ lágba a mnɩ́, lɔlɔɔ́ nió lé ɔ́ sa ɔ kakalɩɛ fɩ́ɛ́, lé ɔ́ kla lágbàà.

Ànɩ bhli náma dʋ̀dʋ a mnɩ́ lé ɩ́ trʋ bhí, vó trʋ bhí gwlɩ̀ gbɩ́, àna trʋɛ bhí gwlɩ̀ ta, àna trʋɛ bhí a glʋ̀ lé kʋ́gbá.»

A cíi sá, ɩ lɔ̀fɩ́ɛ́ ká gá kʋ́ bhálɔɔ̀, tányɩɛ́ mʋ́ lelilɩɛ́ ya lɛ fáàda ŋnɩ a, ɩ́ yi ɩ́ nɔnʋzrɩ̀nyʋa srʋ mà: A sa fɩ́ɛ́ nyumo pitíé glù lé a gʋ́gwlàlɩ̀ɩ̀ kʋ́ a kɩ́ɩ́ sesiè, bhʋ́ a tányɩɛ́ a yi cásɩ yɛ́ lé a yi lelilɩɛ́ a nɔnʋ zrɩ lé a yii wlʋ kʋ́ ŋwʋ́.»