رِسَالَةُ بُولُسَ ٱلرَّسُولِ إِلَى أَهْلِ فِيلِبِّي 2 Popüler Kutsal Kitap Ayetleri

Paylaş

ما تْديرو والو بقَصد اللي تحبو تكونو خير من الأُخرين، وَلاّ على جال الزوخ. كونو مَتواضعين مع بَعضكُم بَعض، وكُل واحَد شايَف الأُخرين خير مَنّو. ما تْخَمّموش غير على مَصلَحَتكُم، خَمّمو على مَصلحة الأخرين تاني،

كونو هَكدا بيناتكُم، كيما لازَم يْكون اللي في يَسوع المَسيح،

هُوَ، اللي كان في صِفة الله، وما حَوّسش يْساوي الله، بالعَكس، عَرّا روحو وأدّا صِفة العَبد ووَلاّ يْشَبَّه للناس، صِفتو صِفة بْنادَم. هَبَّط روحو هُوّ بالدات، وكان طايَع حَتّى للموت، موت الصْليب.

خاطَر الله هُوَ اللي يْحَط فيكُم مْحَبّة وفَعل الخير.

على هَدا اللي طَلّعو الله وعْطالو الآسَم اللي فوق كُل آسَم، باش بآسَم يَسوع كُل رُكبة فالسْما وَلاّ فالأرض وَلاّ تَحت الأرض تَركَع، وكُل لْسان يَستَعرف باللي يَسوع المَسيح هُوَ الرَب لمجَد الله الآب.

ديرو كل شي بلا شْكاوي وبلا مْغالبة، باش ما يْكون فيكُم حَتّى نَقص وتْكونو صافيين، وْلاد الله بلا عيب في وَسط جيل مْعَوَّج وفاسَد، تْضَوّيو بيناتهُم كي المْشاعَل فالدَنيا،

وهَكدا يا حْبابي، كيما كُنتو دايمًا طايعين، أبقاو طايعين ماشي غير كي نْكون حاضَر. بالعَكس، طيعو كْتَر في غْيابي وأخَّدمو لسْلاككُم بخوف ورَهبة،