Mátyuu 13 Popüler Kutsal Kitap Ayetleri

Paylaş

Nké esang nyí nyǐ o/kwón ké esí nyí enong e/bwom ké banet ḿbé ba/jwo Bǎmpém ḿbé Banong, ne ba-jwo dyishí, ne ba-zím byirim. Bakíri ba-zím byirim byi-jê wǎ bajam-byirim batánge. Bakíri bajam-byirim bachât, ne bakíri byirim bujam esim diǐkpú.

Esang nyí e/róng ké byiwong e/bwom ké banet ḿbé ba/jwo Bǎmpém ḿbé Banong, nké ékyíkéré kyi-kim ne ejíí ńnyín, ne kyijé ńkyí esang ejá byi/tim Bǎmpém ḿbé Banong, ne mbé baa*zím byirim*.

Banet ḿbé mbe ba-jwo ng Bǎmpém ḿbé Banong kyi-kim ne Butu ḿbú Osówo, nké ba*fí ba-nyît ng dyishí emen* mbe wǎ esang-byichí nyí e/róng ké kiǐfáng. Otu-Byibî-Barím o-bâ o-ba-fîm bǎmpém ámbe, ḿbé ba/mû baa/kwón ké atyém ebe.

Esang nyí e/róng ké katárábá e/bwom ké banet ḿbé ba/koo Bǎmpém ḿbé Banong ne bunyîn-dyityém ńdyí ba-jwo ng kámbé ba-bâ. Nké ba*da/nung kámbé ké atyém ebe kanong kanong* ne baa*rí ka-bwon*. Ne ké nkéré afaníkong nang busông boo/bê ké dyishí ńdyí Bǎmpém ḿbé Banong, mbé ba-mîng abwô omíng.

Butu ḿbú Osówo mbu wǎ chwǒm ńkyí kyinong ńkyí nkyi ké ecing, ké kafâ-kyifát. Ne onet o-da-ri kánkyí, o-bwa ne nkyí kâng o-cít. Ké bunyîn-dyityém ḿbú boo/sú ǎ byiko, o-dim o-da-shee kángkáng byěm ḿbyí mu ne mbyí. Ne o-bwa esim, o-da-ré kyifát ánkyi.

Nké esang ekíri e/róng ké esí nyí enong, ne e-zím barî-esang. Asín akíri a/zím bajam-esang batánge, akíri bajam-esang bachât, ne akíri to esang bujam esim diǐkpú.

Mîng n̂g esang-byichí ne biǐbyâa byi-kán cibicibi ne barî tete nkéré mú badabóng esang-byichí. Ne me n/chi n-sét banet ḿbé badabóng kányí n/fu, bazú kpá biǐbyâa ba-bwá kámbyí ké akan akan, eringe nyí badapwó kámbyí ké okwâ. Ne ba-wuri kâng esang-byichí ba-fé kányí ké nkám ejí.