याकब 1 Popüler Kutsal Kitap Ayetleri

Paylaş

हे मेरै भाई-बैहणीओ, ज़ेभै तम्हैं कई रंगे मसीबता दी पल़ा, एता समझ़ा खुशीए गल्‍ल। किल्हैकि तम्हां का आसा थोघ कि ज़ेभै थारै विश्वासा परखा, तेता करै बझ़ा तम्हां दी सबर।

पर ज़ै तम्हां मांझ़ै कहा का अक्लीए काम्मी होए, तेता मांगा परमेशरा का, सह निं तम्हां लै रोश्श करदअ कि तम्हैं किल्है मांगअ पर सह दैआ सोभी लै खुशी-खुशी।

मेरै पैरै भाईओ, ऐहा गल्‍लो आसा तम्हां का थोघ, तैही रहै हरेक मणछ शुणना लै आजू अर बोल़णा लै पिछ़ू अर धखी का निं रोश्शै आणनीं।

हर गल्‍ला दी शिखल़ा सबर करनअ ताकि तम्हैं आत्मां दी पाक्‍कै अर नर्दोश हई थारै च़ाल-च़लणा दी किछ़ू गल्‍ले काम्मी नां रहे।

तम्हैं निं सिधै परमेशरै बैण शुणनै आल़ै रहा, पर तेऊ साबै ज़िऊआ आपणीं ज़िन्दगी बी। नांईं ता तम्हैं आसा आप्पू लै धोखै दैंदै लागै दै कि परमेशरा हेरनै तम्हैं बच़ाऊई।

परमेशर दैआ तेऊ मणछा लै बर्गत ज़ुंण खरी दी पाक्‍कअ रहा, किल्हैकि तेऊ भेटणअ पाक्‍कै रही सदा रहणैं आल़ी ज़िन्दगीओ सह मुगट, ज़ेते करार परमेशरै तिन्‍नां लै आसा किई दी ज़ुंण तेऊ संघै झ़ूरी डाहा।

किल्हैकि हरेक शोभलअ बरदान अर हरेक शुचअ दान एछा म्हारै बाब परमेशरा का ज़ुंणी सरगे सोभै प्रैश्शै दैणैं आल़ै तारै बणाऐं। सह निं बदल़दअ अर नां फेर फिरी करै छ़ैल्‍ली ज़िहअ एछदअ डेऊंदअ रहंदअ। परमेशर आसा हर बगत भलअ।

किल्हैकि ज़ुंण बी परमेशरे बैणा शुणनै आल़अ आसा, अर तेऊ साबै काम नांईं करदअ, सह आसा तेऊ मणछा ज़िहअ ज़ुंण आपणअ मुंह आर्शू दी भाल़ा अर आपणअ मुंह भाल़ी लागा सह हांढदअ तेतरी जाआ सह तेभी बिस्सरुई कि सह किहअ त।

म्हारै बाब परमेशरा का शुझिआ धर्म इहअ कि छ़ुटै-मुक्‍कै दै अर बिधबा बेटल़ीए करनी तिन्‍नें खरी-अऊखी मज़त। आप्पू रहै संसारे हर पाप करनै का दूर रही नर्दोश।

ज़ेभै कुंण परखा दी पल़े, सह निं इहअ बोली, “परमेशर आसा मुंह परखदअ लागअ द।” किल्हैकि नां कुंण बूरी गल्‍ला करै परमेशरा परखी सकदअ, अर नां सह आप्पू कहा परखदअ आथी। अह आसा म्हारी आपणीं सोठ ज़ुंण हाम्हां का बूरै काम कराऊआ। ज़ेभै हाम्हां पाप करने सोर फिरा, सह पाआ हाम्हां कबाता।

ज़ुंण विश्वासी भाई गरीब आसा तिंयां रहै खुश। परमेशर करा तिन्‍नों अदर।