इब्रानी 13 Popüler Kutsal Kitap Ayetleri

Paylaş

थारअ सभाब निं ढब्बैओ मांण करनै आल़अ लोल़ी हुअ। ज़ुंण तम्हां का आसा तेता ई दी रहा खुश। किल्हैकि परमेशरै आसा आप्पै इहअ बोलअ द, “मुंह निं तम्हैं कधि कल्ही शोटणै अर हुंह निं तम्हां लै दैणअ कधि बिस्सरदअ।”

प्रभू ईशू मसीहा आसा हिझ़, आझ़ अर जुगै-जुगै ज़िहअ कै तिहअ।

तैही एछा हाम्हां इहअ बोल़णें हिम्मत, “मेरी फाज़त करनै आल़अ आसा परमेशर, तैही निं हुंह डरदअ आथी। संसारे मणछ निं मेरअ किछ़ै बगाल़ी सकदै।”

हर बगत रहणअ दुजै लै भलै कामां करदै लागी आपणीं हर गल्‍ला करनी तिन्‍नां लै दैई ज़हा ज़ेते ज़रुरत आसा। किल्हैकि इहै कामें बल़ीदाना करै हआ परमेशर खुश।

तै करनी हाम्हां आपणैं होठा करै परमेशरे स्तोती। अह आसा म्हारअ तेऊ लै बल़ीदान।

बैहो करनअ सोभी अदर, अर आपणीं ज़िन्दगीए साथी संघै रहणअ शुचै-पाक्‍कै अर नर्दोश किल्हैकि परमेशरा दैणीं कंज़रै अर पराई बेटल़ी सेटा डेऊणैं आल़ै लै सज़ा।

ज़हा विश्वासी भाई संघै तम्हां पैहली बारी भेत-बछ़ैण हआ तिंयां निंणै ज़रूर आपणैं घअरा लै प्राहुंणैं। किल्हैकि इहअ करै आसा कई लोगै स्वर्ग दूत बी प्राहुंणैं निंयैं दै।

ईशू आसा म्हारी तैणीं, सह बच़ाऊआ हाम्हां अर सह करा म्हारी एही हेर-सभाल़ ज़िहअ एक फुआल आपणीं भेडे करा। म्हारै मन्‍नैं शांती दैणैं आल़ै परमेशरै किअ प्रभू ईशू मरी करै ज़िऊंदअ। इहअ करी किई परमेशरै हाम्हां लै सदा रहणैं आल़ी करार मसीहे क्रूसा दी बहाऊऐ दै लोहू दी प्रगट। हुंह करा परमेशरा का प्राथणां कि तम्हां हरेक भली गल्‍ला लै सिध्द करे, ईशू थारी तिहअ करना लै मज़त करे ज़ेता करै परमेशर खुश हआ। ईशू मसीहे बड़ैई लोल़ी जुगै-जुगै हंदी रही। एवमस्तू।