इब्रानी 12 Popüler Kutsal Kitap Ayetleri

Paylaş

हाम्हां फेर आसा खास्सै मणछ ज़सरी ज़िन्दगी करै हाम्हां का थोघ लागा कि विश्वासो किज़ै मतलब हआ। तै एछा हरेक रोक्‍कणै आल़ी च़िज़ा अर उलझ़ण पाणै आल़ै पाप दूर करी ठुर्हा तैहा ठुर्हा दी सबर डाही करै ज़ेथ हाम्हां ठुहर्नअ लागा। विश्वासा बणाणैं आल़ै अर सिध्द करनै आल़ै ईशू मसीहा दी डाहा आछी टकैल़ी। तेऊ आसा हाम्हां लै आजू खुशी डाही दी, तेता लै निं तेऊ लाज़ शरमें कोई बी परबाह किई अर क्रूसो दुख ज़िरी बेठअ परमेशरे राज़गाद्दी दी दैहणीं बाखा सोभी का बडी पदबी दी।

ज़ेभै हाम्हां सज़ा भेटा सह निं हाम्हां तेभै ठीक लागदी, हाम्हैं हआ तेभै खास्सै दुखी पर तैबी ज़ुंण तेता ज़िरदी-ज़िरदी पाक्‍कै आसा गऐ दै हई, बादा का भेटा तिन्‍नां तेतो फल मेल़-ज़ोल़ अर धर्म।

सोभी संघै डाहणअ मेल़-ज़ोल़, पबित्र ज़िन्दगी ज़िऊंणें कोशिश करनी, ज़ुंण पबित्र होए सह सका परमेशरा भाल़ी।

ईशूए बारै सोठा ज़ुंणी नफरत करनै आल़ै पापी लोगे हाथै सबर करी हर दाह-दुख ज़िरअ, ताकि तम्हैं आशा छ़ाडी हिम्मत नां हारे।

हाम्हां लागा परमेशरो शूकर करनअ कि हाम्हां लै आसा सह राज़ दैनअ द ज़ेथ कधि निं हणीं ज़ाज़री। एऊ राज़ा दी करा हाम्हैं परमेशरो अदर अर परमेशरा करा हाम्हैं स्तोती अर च़ाकरी करै खुश।

तम्हैं ज़िरा दुख सबक समझ़ी, परमेशर करा तम्हां संघै शोहरू समझ़ी बर्ताअ, इहअ कुंण शोहरू आसा, ज़हा तेऊओ बाब नैरदअ निं आथी?

किल्हैकि म्हारअ परमेशर आसा भस्सम करनै आल़ी आगी ज़िहअ सह पाआ सोभी छ़ोतली च़िज़ा ज़ाल़ी।

संसारे बाबे शोठी, हआ हाम्हां नैरना लै सिधी थोल़ै धैल़ै ज़िहअ तिन्‍नां आपणैं साबै ठीक लागा, पर परमेशर च़का म्हारै फाईदे तैणीं हर बगत शोठी ताकि सह हाम्हां इहै पबित्र करे ज़िहअ सह पबित्र आसा।

तम्हैं निं पापे खलाफ इहअ दुख ज़िरअ कि ज़िधी लोग तम्हां मारी पाए।