2 तिमोथी 1 Popüler Kutsal Kitap Ayetleri

Paylaş

परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्‍कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।

परमेशरै किअ म्हारअ उद्धार अर तेऊ आसा हाम्हैं पबित्र ज़िन्दगी ज़िऊंणां लै शादै दै। ज़ुंण हाम्हैं भलै काम किऐ, तेऊ निं हाम्हैं तेता भाल़ी बच़ाऊऐ, पर तेऊ थिअ हाम्हां लै महान दान दैणें बारै संसार शुरू हणैं का आजी डाहअ द सोठी! परमेशरै पजैल़अ ईशू मसीहे जशा करै सह दान हाम्हां लै।

तैही फरेऊआ हुंह ताखा आद कि तेऊ बरदाना करै कर भिई आजू काम ज़ुंण परमेशरै ताल्है तधू तेरै मुंडै मेरै हाथ लाई प्राथणां करी आसा दैनअ द।

तैही निं होरी का प्रभू ईशूए बारै खोज़णें शरम करी। मेरै बारै ऐहा गल्‍ले शरम बी निं च़ेती कि हुंह आसा मसीहे च़ाकरी करनै पिछ़ू इधी कैद किअ द। पर तूह कर परमेशरै ताल्है दैनी तैहा शगती करै काम अर खुशीए समादा लै दुख ज़िरना लै हअ मुंह संघै साझ़ू।

ईशू मसीहे बारै अह समाद लोगा का खोज़णैं पिछ़ू आसा हुंबी इधी कैद किअ द। मुंह निं एते शरम लागदी, किल्हैकि मुखा आसा थोघ कि मसीहा ज़हा दी हुंह आशा डाहा, सह सका मेरै विश्वासे तेऊए फिरी एछणें धैल़ी तैणीं हेर-सभाल़ करी।