1 तिमोथी 6 Popüler Kutsal Kitap Ayetleri

Paylaş

ज़ुंण तूह विश्वास करा तेही ज़िन्दगी ज़िऊंणां लै लाआ आपणअ पूरअ ज़ोर। सदा रहणैं आल़ी ज़िन्दगी लोल़ी ताह दी शुझुई, ऐहा गल्‍ला डाहै सदा आद कि परमेशरै आसा तूह आप्पू संघा रहणा लै शादअ द। तेरी तिंयां गल्‍ला आसा कई सैणैं शूणीं दी ज़धू तंऐं तिन्‍नां सम्हनै अह गल्‍ल बडी मज़बुती दी प्रगट किई ती कि तूह करा मसीहा दी विश्वास।

किल्हैकि ढब्बै-धेल्‍लै लै मांण आसा सोभी बूराईओ मूल़, कई लोगै छ़ाडअ सुलै-सुलै मसीहे बारै शिक्षा दी विश्वास करनअ किल्हैकि तिंयां च़ाहा ढब्बै, होर बी खास्सै ढब्बै अर तिंयां पल़ै कई साबै इहै दुखा दी ज़िहअ कुंण मणछ आप्पू तलबारा करै छ़िन्ह-बिन्ह करा।

म्हारी असली कमाई आसा तेही ज़िन्दगी ज़िऊंणीं ज़ेता करै परमेशर खुश हआ अर ज़ेतरअ हाम्हां का आसा हाम्हैं आसा तेथै खुश।

किल्हैकि नां हाम्हैं संसारै पैईदा हंदी किज़ै आणअ अर नां हाम्हैं मरी करै किज़ै संघा निंईं सकदै।

एऊ संसारे सेठा लै बोल इहअ कि घमंड निं करा अर नां आपणीं धन-माया दी डाहा भरोस्सअ ज़ुंण थोल़ी घल़ी लै आसा, पर परमेशरा दी डाहा आशा ज़ुंण म्हारी ज़रुरतीए सोभै गल्‍ला खुल्है हाथै दैआ ताकि हाम्हैं तिन्‍नां करै नंद करी सके।

पर ज़ुंण सेठ हणअ च़ाहा तिंयां पल़ा छ़ेक्‍कै कई रंगे पाप करने धोखै दी अर तिंयां शाचा बणें ज़ीबा ज़िहै फाही दी। तिंयां च़ाहा एही गल्‍ला करनी ज़ुंण ऐडी अर खातरै आल़ी आसा। तिन्‍नें एही सोठ करा तिन्‍नों बनाश।

तिन्‍नां लै बोल कि भलअ करा, खास्सै भलै काम करा, लोगा लै बांडा खुल्है हाथै। इहअ करी करनै तिन्‍नां आपणैं भलै काम भढारा ज़िहै आप्पू लै कठा ज़ुंण तिन्‍नां लै आजू स्वर्गा लै पाक्‍की आथरी ज़िहै हणैं अर शुची ज़िन्दगी हणीं तिन्‍नें आप्पू लै कमाई ज़ुंण सदा लै आसा।