2 तिमोथी 2 Popüler Kutsal Kitap Ayetleri

Paylaş

खास्सी मैन्थ कर ताकि तूह आप्पू परमेशरा सेटा पेश करी सके अर परमेशर ताह करै खुश होए। तूह कर बधिया मिस्त्री ज़िहअ काम ज़हा शर्मिंदअ नां हणअ पल़े अर ज़ुंण शुचै बैणा ठीक ज़ाणा खोज़ी।

तिन्‍नां पापी कामां का रह दूर ज़ेता ज़ुआन मणछ हर बगत करनै च़ाहा। भली गल्‍ला कर। ज़ुंण शुचै मन्‍नैं प्रभूओ नाअं लआ, तिन्‍नां संघै कर धर्म, परमेशरा दी डाह भरोस्सअ, झ़ूरी अर शांती दी रहणें कोशिश कर। आपणीं संगत डाहणीं तिन्‍नां संघै ज़ुंण शुचै आसा तत्त-दिला का प्रभू सेटा अरज़ करा।

प्रभूओ दास निं झ़गल़ै करनै आल़अ लोल़ी हुअ। सह लोल़ी सोभी लै झणैल़ू हुअ, परमेशरो बैण राम्बल़ै करै सखाऊंणै आल़अ हुअ अर तेऊ लोल़ी तिन्‍नां मणछा लै बी सबर किअ ज़ुंण तेऊओ बरोध बी करा।

ज़ै हाम्हैं मसीहा दी विश्वास करना लै शुचै-पाक्‍कै नांईं बी रहे, तैबी रहा सह सदा हाम्हां लै शुचअ-पाक्‍कअ। किल्हैकि तेऊ करनअ हर बगत आपणैं सभाबे साबै काम।

तेऊ लागा परमेशरो बैण तिन्‍नां का बी झणैल़ू हई समझ़ाऊंणअ ज़ुंण तेऊओ बरोध बी करा, कै थोघ कि परमेशर तिन्‍नां लै बी तिन्‍नें पापो प्राश्त करनैओ मोक्‍कअ दैए कि तिंयां बी मसीहे बारै सत्ता दी भरोस्सअ करे

पर तिन्‍नां मणछा का रहअ दूर ज़ुंण एही गल्‍ला करा ज़ेता करै परमेशरे बेइज़ती हआ, किल्हैकि एही गल्‍ला निंयां लोगा सिधी परमेशरा का दूर।