पिलिपितोर 2 Popüler Kutsal Kitap Ayetleri

Paylaş

मियग्डाहि बोग़े तना कुदता कदर पर्ह्‌कमाकेग़, अहे उगसताङ पोमाडेङ केमाकेग़. मति कुदि उड्ला बुदतोग़ आसि, दुस्रोरिन आपुह्‌काय वीळिसि, कदरतोरा लेह्‌काने ऊळना. सिरप आपुनाय पाय्दातेनाह्‌क बोग़े बाताले केमाकेग़, मति दुस्रोरा पाय्दातेनाह्‌क वने ऊळेग़.

बेद्रम येसु किर्स्तुना बुद मता, अद्रमे मीवा वने बुद मनि.

ओग़ पूरा देवुळिय मतोग़. अद्रम मन्ज तेला, देवुळता बराबरतोनन इनजोर अद अदिकरतुन पोस मनोग़. मति ओग़ अद अदिकरतुन पूरा विळ्सतोग़, विळ्सिसि ओर्युलतोना लेह्‌का आतोग़. आसि मन्कल मारियिस, इद बूमतगा वातोग़. मन्कल आसि, ओग़ इचोन उड्ला बुदतोग़ आतोग़ इतेके, देवुळबाबाना पोल्‍लोतुन केंजिसि, तना जीवा वने ईतोग़. हव्कनागुटाता हामुर ओसोय लजाता मन्ज तेला, अदिन वने ओग़ तना पोग़ोन एतोग़.

बाराह्‌क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.

अदिनेनाह्‌क देवुळि ओन सबेटोरिह्‌क बेरोग़ कीता, ओसो सबे पेदिर्किह्‌काय, ओनाय पेदिरतुन बेरा कीता. देवुळदीपते मनवालोर, हानादीपते मनवालोर, इद बूमते मनवालोर सबेटोर, येसुन दंडुम अरयिर. अहे सबेटोराङ वेंजेह्‌कु, “येसु किर्स्तुये कतमतोरा सामि” इनजोर कबुल आसि, देवुळबाबाह्‌क मान ईयिर इनजोर, देवुळि येसुन इद्रम कीता.

बाताल कीतेक तेला मुयोग़ आयवा, गिटोगटो आयवा कीसोर मन्ह्‌टु. अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.