Éxodo 40
40
Pano pushu ichananti manaon nai coinmanhuan manipacufoan nituni
34Ascatan nai coinmanhuanun ichananti pano pushu manaon fuponi. Nantianri nocon Ifo Diosin ahuara fasi sharashtacoin ascaracai tsoan oinyomisima cuscaran huani. Ascatan pano pushu muran iquicaini. 35Nan nai coinmanhuanun pano pushu fupoano nan muran Ifo Dios nan fasi sharacoin iquiaitiancai Moisés pano pushu muran iquitiro inima. 36Ascano chipo nai coinmanhuan nan ichananti pano pushu amanaonrinoashu shucuinacahuanano nantianri Israelifo ato pano pushu anoashu fonifo. 37Nan nai coinmanhuan caiyamainori Israelifori nituyoni. Ascano nan nai coinmanhuan caitian Israelifori fonifo. 38Ascano shafatan pano pushu manaon nai coinmanhuan nituyoni. Ascatan nan yamu nai coinmanhuan muran aton Ifo Diosin ato chiihuan urumanhuan huashoaiton Israelifoan oinnifo. Nan Israelifo foafafainaifotian ato nanscashopaoni.
Kasalukuyang Napili:
Éxodo 40: mcd
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2008, Wycliffe Bible Translators, Inc. All rights reserved.