1 Samuel 2
2
Anapan fasi unimacoinquin nocon Ifo Diosi cufini
1Ascan Anapan nocon Ifo Diosi cufinquin isca huani,
—Uhuun nomuran un Diosiqui fasi unimacoin.
Uhuun Ifo Diosin ua fasi shara hua.
Ifon mian numa. Ascan un miqui unimacoin.
Mian numa cuscan ua noicasmaifo un yoisharatiro.
2Tsoa futsacai mia cuscara sharacoinma.
Mirus fusti min noco Numamisi.
Mirus fusti min ahuamamishti huatiro.
Toquirininhuancai tsoan shucatiroma.
Nanscarifi ai min nocon Diosi min acai cuscacai tsoan mia nitu huatiroma.
3Cacapaimisifoan, “Uncain tsoa futsa cuscarama.
Tsoan ua finontiromaran,” ishon shinanyamacahuun.
Afanan tsain curafiapaimisi cuscara yoiyamacahuun.
Nocon Ifo Diosin man amisi cusca tapicoian.
Man amisi cuscanhuunoa mato onaintimatiro.
4Futsan futsafo finoncoinpaoni natiancai afanan finontiroma.
Ascano futsafocai curush iyopaonima natian mutsisipa sharafo.
5Nan futsafo ahua yopapaonima natian fonicoin.
Ascan futsafo fonicoinpaoni natian mayancoianfo.
Ainfo toosma natian siete facuya.
Ainfo futsan facu ichapaya ipaoni natian afanan facu nanutiroma.
Ascashucai shafatifi unimaima.
6Nocon Ifo Diosin yora namatiro iyamarai ato nimatiro.
Futsa namatiro mai huanon iyamarai futsafo funimatiro.
7Nocon Ifo Diosin futsa ahuuoma imatiro
futsa ichapa inantiro ahua yopaima.
Ascan curafiapaimisi shatumatiro ahuama tapishquin.
Futsa ahuuoma nocon Ifo Diosin niaifo imatiro ahuunoa shinansharanonfo.
8Futsafo ahuuoma omitsiscaino nocon Ifo Diosin ato numatiro
ahua afanan yopatiroma
niaifo cuscaran iishquicani.
Ascan atohuunoa yoisharashcani.
9Tsoan nocon Ifo tanasharaiton ato cushusharai
raquira caiton nanri cushusharai
ahua chaca finonnonma.
Ascafia yora chacafo nashu faquish muran ipanacafo.
Tsoacai afin ahuun curushhuunoashu isharatiroma.
10Tsoan nocon Ifo Diosi noicasmaquin aqui chaca huaiton
Diosin ato omitsiscamacoin.
Diosin nan icanoshon ahuun tsain curush
turuica nicatsa ato shatumashquin.
Nocon Ifo Diosin nantifi manifoti anoafo
ato yoipacushquin isharamisifo
iyamarai chaca huamisifo.
Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.
11Ascan cufintan Elcana yafi Ana aton pushu Ramá mai ano nasonifo. Ascan Samuel Elí nan Israelifohuunoa aton Ifo Diosi cufinmisi fu nituaino apa yafi ahua fu nasonima. Shafatifi ichananti pushu muran nocon Ifo Diosi yonopaiyai cuscan Samuel huashomisi.
Elí facufoan fasi Israelifo chaca huani
12Ascatan Elí furufo fasi chacamisifo. Nocon Ifo Diosí nicacasmamisifo. 13-16Nocon Ifo Diosin ato yononi cuscaricai shinannifoma. Diosin yononi cusca Israelifoan aton inafo Dios fu tsainti pushu ano iyoni nannoshon ato rutushcaquin. Nansca huacashon ismanifo aton chaca shatupaiyaifo cusca nocon Ifo Diosi tanasharashcaquin. Ascano nan ina rutushon ahuun shuni toquiri putsamuinia camaquishon coanifo. Nantianri ahuun nami pichanfo cofini. Ascafia futsan nan shuni coataima non namiri cofinsharataima Elí facufoan aton oinmati nichini ato nami fushonon. Ahuun nami chachiti uhuapaton nan ahuun nami chachishon Elí facufo fushoni ato pimanon. Ascano nan ina ahuun ifoan nan oinmati yoiquin isca huani, —Nocon Ifo Diosin tsain cununi cusca nan shuni coataima nami non pitiromaran ishon noco yononi. Ascan oinyoquin. Nan shuni coano min apaiyai cusca min nami fitiroran, —ishon nan inapan ifoan yonomati yoini. Nannori yoiaiton nicaquin yonomatinin curushcain cumani isca huaquin, —Ma. Natian ua inanhuun. Elí facu rafutancai nami cofian fipaima. Ascacun mian natian inanrisca huayamaiton un curushcai fitiroran, —ishon cumani. Nanscarafofin Elí facu rafu nan aton caifo Israelifo chaca huamisifo ipaonifoquin. 17Aton Ifo Diosin yononi cuscan futsafoan aton ina Diosi inanpaiyai cuscan nan Elí furu rafutan shinannifo acai ahuama. Ascacun Elí furu rafutan apaonifo cuscan nocon Ifo Diosin oinni fasi chaca huaifoan.
18Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni. 19Ascano faritifi Ana ahuun funu fu ichananti pushu ano focashon ina rutushon ismanifo aton chaca shatupaiyaifo cuscan nocon Ifo Diosi tanansharashcaquin. Cataima Anapan ahuun facu Samuel sahuuti icushushoni inanshquin. 20Ascatan Elí Anapan funu Elcana yoisharani isca huaquin, —Min ahuin Anapan Diosi cufini facuyashquin. Ascan ahuun facu cainyaitian Ana nocon Ifo Diosi facu inanni. Ascatan min ahuin Ana nocon Ifohuunshon mia facu ichapa inanpainonran, —ishon Elí yoini. Ascatan Elcana yafi Ana aton pushu ano nasonifo. Apa yafi ahua nasoaifono Samuel Elí fu nituni. 21Ascan nocon Ifo Diosin Ana shara huani furonanfacu rafu non fusti inanfain ainfacu rafuri inanni. Nantianri Samuel nocon Ifo Diosi apaiyai cuscan huashopaoni.
22Nantian Elí fasi anifoshtafiashon tapini ahuun furu rafutan fasi chaca huaifoan. Nantianri shomayafoan ichananti pano pushu shoi caincaiti ano futsafo ahuara huashomisi. Nanno Elí ahuun facu rafu nocotan nan ainfo shomayafoya oshanifo. Asca furun rafutan asca huaiton Elí tapini. 23Ascaifoan Elí ahuun facu rafu yoini isca huaquin, —Nantifi noco yorafoan ua yoiafo man rafutan fasi chaca huai. ¿Ahuuscai man chaca huafafainnimun? 24Uhuun facu rafutan unucahuun. Nocon Ifo Diosin ahuun yorafo matohuunoa yoiai cuscacai sharama. 25Futsan futsa chaca huaiton Diosin afanan shinanmasharatiro futsa rau huanon. Ascafia futsan nocon Ifo Diosi chaca huaiton tsoa futsacai nocon Ifo Diosi yoitiroma chaca hua cuscan rau huanon, —ishon Elí ahuun facu rafu yoini. Ascafiainocai apan ato yoini cuscan nicapaicanima. Elí ahuun facufo yoiataima nocon Ifo Diosin shinanyoni ato namashquin.
26Ascashu nan furonanfacu Samuel yosisharani. Nocon Ifo Diosin oiain cuscan yorafoanri oinnifo Samuel furonanfacu shara ini. Ascacun ahuunoa yoisharanifo.
27Nantian nan nocofunun nocon Ifo Diosi tanasharacoian Elíqui nocoshon yoini isca huaquin, —Nocon Ifo Diosin mia yoia isca huaquin, “Min shunifo Egipcio ano aton yonomatifo icaitian un ato uhuunoa tapimani. 28Un min shuni Aarón catonni min yorafohuunoa ua cufifain toquirifo putsamuinia anoshon inin shara uhuunoa coafain uhuun ointaifin un yonoa cuscan sahuuti futsafo sahuunon. Un yononi min caifoan ua ina inainton min shunifo nan Leví ahuun funafo nan inafo ua inanon. 29Un ato nanscara shara catonni. Ascan ahuuscai uhuun yora Israelifoan ua inafo yafi ahuara futsafo ua inainton min shinan afocai ahuama. Min facufohuunoa min shinan cusca min uhuunoa nannori shinansharaima. Min caifo ua inanpaiyai cuscahuunshon min facufo non minrifi man pia man fasi shoacoian. Nan nami sharacoinfin man fimisiquin piishcaquin.
30“Un yoiyoni cuscan min non min yorafo non min shunifori man Israelifohuunoa ua cufinshomisifo cuscacai unupacunacama. Ascafia man fasi chaca huahuunshoncai man afanan mato caifo Israelifo ua cufinshomisi itiroma. Un natian shinan futsa. Tsoan futsafo uhuunoa shinanmasharacun urifin atohuunoa futsafoan ointaifi un yoi sharashquin. Ascan tsoan uhuunoa futsafo shinanmasharayamaiton urificai atohuunoa un shinansharatiroma. 31Ascashon mia non min yorafori un mato shatumashquin afanan mato yorafohuunshon ua cufinshomisi man inonma. Nantifi min yorafo nai futsushquin. Tsoacai anifoshquima. 32Minfin oincai min caifo futsafo un ato shara huashoshquiai cuscan. Min oinquin yoishquin isca huaquin, ‘Ohuashta uhuun caifofo nocon Ifo Diosi shara hua cuscan ua shara huashoamaran,’ ishon min yoishquin. Min yorafo murancai afanan anifo ipanacama. 33Nan min yorafo tushuafo fasi omitsiscai aton nomuran shinanchacashquicani. Min funafo pushcoaitian ato rutushquicani. 34Ascano min facu Ofni yafi Finees nan shafa fustiton nan rafu nai. Ascaiton min tapitiro un natian mia yoia cuscan nantifi iconcoin. 35Ascatan un Israelifo cufinshomisi futsan catoin ua tana sharacoinon. Uhuun nomuran un shinain cuscan arifi nannori shinanon. Un nan yonoai cuscan huanon ahuun shunifori un shara huashoshquin nan aton niaifo un catoanton ato yonosharashquin. Nanfoan aton caifofo ua cufinshomisifo ipanaca. 36Ascano min funafo aqui fuopacufoancatan nan yoishquicani isca huaquin, ‘Nocori yonomapun non nocon caifohuunshon mia cufishomisi inon. Non ato futan yonoshon norifi piisharanon,’ ” —ishon yoishquiaifo cuscan nocon Ifo Diosin Elí yoini.
Kasalukuyang Napili:
1 Samuel 2: mcd
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2008, Wycliffe Bible Translators, Inc. All rights reserved.
1 Samuel 2
2
Anapan fasi unimacoinquin nocon Ifo Diosi cufini
1Ascan Anapan nocon Ifo Diosi cufinquin isca huani,
—Uhuun nomuran un Diosiqui fasi unimacoin.
Uhuun Ifo Diosin ua fasi shara hua.
Ifon mian numa. Ascan un miqui unimacoin.
Mian numa cuscan ua noicasmaifo un yoisharatiro.
2Tsoa futsacai mia cuscara sharacoinma.
Mirus fusti min noco Numamisi.
Mirus fusti min ahuamamishti huatiro.
Toquirininhuancai tsoan shucatiroma.
Nanscarifi ai min nocon Diosi min acai cuscacai tsoan mia nitu huatiroma.
3Cacapaimisifoan, “Uncain tsoa futsa cuscarama.
Tsoan ua finontiromaran,” ishon shinanyamacahuun.
Afanan tsain curafiapaimisi cuscara yoiyamacahuun.
Nocon Ifo Diosin man amisi cusca tapicoian.
Man amisi cuscanhuunoa mato onaintimatiro.
4Futsan futsafo finoncoinpaoni natiancai afanan finontiroma.
Ascano futsafocai curush iyopaonima natian mutsisipa sharafo.
5Nan futsafo ahua yopapaonima natian fonicoin.
Ascan futsafo fonicoinpaoni natian mayancoianfo.
Ainfo toosma natian siete facuya.
Ainfo futsan facu ichapaya ipaoni natian afanan facu nanutiroma.
Ascashucai shafatifi unimaima.
6Nocon Ifo Diosin yora namatiro iyamarai ato nimatiro.
Futsa namatiro mai huanon iyamarai futsafo funimatiro.
7Nocon Ifo Diosin futsa ahuuoma imatiro
futsa ichapa inantiro ahua yopaima.
Ascan curafiapaimisi shatumatiro ahuama tapishquin.
Futsa ahuuoma nocon Ifo Diosin niaifo imatiro ahuunoa shinansharanonfo.
8Futsafo ahuuoma omitsiscaino nocon Ifo Diosin ato numatiro
ahua afanan yopatiroma
niaifo cuscaran iishquicani.
Ascan atohuunoa yoisharashcani.
9Tsoan nocon Ifo tanasharaiton ato cushusharai
raquira caiton nanri cushusharai
ahua chaca finonnonma.
Ascafia yora chacafo nashu faquish muran ipanacafo.
Tsoacai afin ahuun curushhuunoashu isharatiroma.
10Tsoan nocon Ifo Diosi noicasmaquin aqui chaca huaiton
Diosin ato omitsiscamacoin.
Diosin nan icanoshon ahuun tsain curush
turuica nicatsa ato shatumashquin.
Nocon Ifo Diosin nantifi manifoti anoafo
ato yoipacushquin isharamisifo
iyamarai chaca huamisifo.
Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.
11Ascan cufintan Elcana yafi Ana aton pushu Ramá mai ano nasonifo. Ascan Samuel Elí nan Israelifohuunoa aton Ifo Diosi cufinmisi fu nituaino apa yafi ahua fu nasonima. Shafatifi ichananti pushu muran nocon Ifo Diosi yonopaiyai cuscan Samuel huashomisi.
Elí facufoan fasi Israelifo chaca huani
12Ascatan Elí furufo fasi chacamisifo. Nocon Ifo Diosí nicacasmamisifo. 13-16Nocon Ifo Diosin ato yononi cuscaricai shinannifoma. Diosin yononi cusca Israelifoan aton inafo Dios fu tsainti pushu ano iyoni nannoshon ato rutushcaquin. Nansca huacashon ismanifo aton chaca shatupaiyaifo cusca nocon Ifo Diosi tanasharashcaquin. Ascano nan ina rutushon ahuun shuni toquiri putsamuinia camaquishon coanifo. Nantianri ahuun nami pichanfo cofini. Ascafia futsan nan shuni coataima non namiri cofinsharataima Elí facufoan aton oinmati nichini ato nami fushonon. Ahuun nami chachiti uhuapaton nan ahuun nami chachishon Elí facufo fushoni ato pimanon. Ascano nan ina ahuun ifoan nan oinmati yoiquin isca huani, —Nocon Ifo Diosin tsain cununi cusca nan shuni coataima nami non pitiromaran ishon noco yononi. Ascan oinyoquin. Nan shuni coano min apaiyai cusca min nami fitiroran, —ishon nan inapan ifoan yonomati yoini. Nannori yoiaiton nicaquin yonomatinin curushcain cumani isca huaquin, —Ma. Natian ua inanhuun. Elí facu rafutancai nami cofian fipaima. Ascacun mian natian inanrisca huayamaiton un curushcai fitiroran, —ishon cumani. Nanscarafofin Elí facu rafu nan aton caifo Israelifo chaca huamisifo ipaonifoquin. 17Aton Ifo Diosin yononi cuscan futsafoan aton ina Diosi inanpaiyai cuscan nan Elí furu rafutan shinannifo acai ahuama. Ascacun Elí furu rafutan apaonifo cuscan nocon Ifo Diosin oinni fasi chaca huaifoan.
18Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni. 19Ascano faritifi Ana ahuun funu fu ichananti pushu ano focashon ina rutushon ismanifo aton chaca shatupaiyaifo cuscan nocon Ifo Diosi tanansharashcaquin. Cataima Anapan ahuun facu Samuel sahuuti icushushoni inanshquin. 20Ascatan Elí Anapan funu Elcana yoisharani isca huaquin, —Min ahuin Anapan Diosi cufini facuyashquin. Ascan ahuun facu cainyaitian Ana nocon Ifo Diosi facu inanni. Ascatan min ahuin Ana nocon Ifohuunshon mia facu ichapa inanpainonran, —ishon Elí yoini. Ascatan Elcana yafi Ana aton pushu ano nasonifo. Apa yafi ahua nasoaifono Samuel Elí fu nituni. 21Ascan nocon Ifo Diosin Ana shara huani furonanfacu rafu non fusti inanfain ainfacu rafuri inanni. Nantianri Samuel nocon Ifo Diosi apaiyai cuscan huashopaoni.
22Nantian Elí fasi anifoshtafiashon tapini ahuun furu rafutan fasi chaca huaifoan. Nantianri shomayafoan ichananti pano pushu shoi caincaiti ano futsafo ahuara huashomisi. Nanno Elí ahuun facu rafu nocotan nan ainfo shomayafoya oshanifo. Asca furun rafutan asca huaiton Elí tapini. 23Ascaifoan Elí ahuun facu rafu yoini isca huaquin, —Nantifi noco yorafoan ua yoiafo man rafutan fasi chaca huai. ¿Ahuuscai man chaca huafafainnimun? 24Uhuun facu rafutan unucahuun. Nocon Ifo Diosin ahuun yorafo matohuunoa yoiai cuscacai sharama. 25Futsan futsa chaca huaiton Diosin afanan shinanmasharatiro futsa rau huanon. Ascafia futsan nocon Ifo Diosi chaca huaiton tsoa futsacai nocon Ifo Diosi yoitiroma chaca hua cuscan rau huanon, —ishon Elí ahuun facu rafu yoini. Ascafiainocai apan ato yoini cuscan nicapaicanima. Elí ahuun facufo yoiataima nocon Ifo Diosin shinanyoni ato namashquin.
26Ascashu nan furonanfacu Samuel yosisharani. Nocon Ifo Diosin oiain cuscan yorafoanri oinnifo Samuel furonanfacu shara ini. Ascacun ahuunoa yoisharanifo.
27Nantian nan nocofunun nocon Ifo Diosi tanasharacoian Elíqui nocoshon yoini isca huaquin, —Nocon Ifo Diosin mia yoia isca huaquin, “Min shunifo Egipcio ano aton yonomatifo icaitian un ato uhuunoa tapimani. 28Un min shuni Aarón catonni min yorafohuunoa ua cufifain toquirifo putsamuinia anoshon inin shara uhuunoa coafain uhuun ointaifin un yonoa cuscan sahuuti futsafo sahuunon. Un yononi min caifoan ua ina inainton min shunifo nan Leví ahuun funafo nan inafo ua inanon. 29Un ato nanscara shara catonni. Ascan ahuuscai uhuun yora Israelifoan ua inafo yafi ahuara futsafo ua inainton min shinan afocai ahuama. Min facufohuunoa min shinan cusca min uhuunoa nannori shinansharaima. Min caifo ua inanpaiyai cuscahuunshon min facufo non minrifi man pia man fasi shoacoian. Nan nami sharacoinfin man fimisiquin piishcaquin.
30“Un yoiyoni cuscan min non min yorafo non min shunifori man Israelifohuunoa ua cufinshomisifo cuscacai unupacunacama. Ascafia man fasi chaca huahuunshoncai man afanan mato caifo Israelifo ua cufinshomisi itiroma. Un natian shinan futsa. Tsoan futsafo uhuunoa shinanmasharacun urifin atohuunoa futsafoan ointaifi un yoi sharashquin. Ascan tsoan uhuunoa futsafo shinanmasharayamaiton urificai atohuunoa un shinansharatiroma. 31Ascashon mia non min yorafori un mato shatumashquin afanan mato yorafohuunshon ua cufinshomisi man inonma. Nantifi min yorafo nai futsushquin. Tsoacai anifoshquima. 32Minfin oincai min caifo futsafo un ato shara huashoshquiai cuscan. Min oinquin yoishquin isca huaquin, ‘Ohuashta uhuun caifofo nocon Ifo Diosi shara hua cuscan ua shara huashoamaran,’ ishon min yoishquin. Min yorafo murancai afanan anifo ipanacama. 33Nan min yorafo tushuafo fasi omitsiscai aton nomuran shinanchacashquicani. Min funafo pushcoaitian ato rutushquicani. 34Ascano min facu Ofni yafi Finees nan shafa fustiton nan rafu nai. Ascaiton min tapitiro un natian mia yoia cuscan nantifi iconcoin. 35Ascatan un Israelifo cufinshomisi futsan catoin ua tana sharacoinon. Uhuun nomuran un shinain cuscan arifi nannori shinanon. Un nan yonoai cuscan huanon ahuun shunifori un shara huashoshquin nan aton niaifo un catoanton ato yonosharashquin. Nanfoan aton caifofo ua cufinshomisifo ipanaca. 36Ascano min funafo aqui fuopacufoancatan nan yoishquicani isca huaquin, ‘Nocori yonomapun non nocon caifohuunshon mia cufishomisi inon. Non ato futan yonoshon norifi piisharanon,’ ” —ishon yoishquiaifo cuscan nocon Ifo Diosin Elí yoini.
© 2008, Wycliffe Bible Translators, Inc. All rights reserved.