Izayi 12
12
Indirimbo ishimira Imana, Umukiza
1Uwo munsi uzavuga uti
«Ndagushimira Uhoraho, kuko wandakariye,
ariko uburakari bwawe bwacogora, ukampoza.
2Dore Imana, Umukiza wanjye,
ndamwiringira kandi sinkigira ubwoba,
kuko imbaraga zanjye n’indirimbo yanjye ari Uhoraho,
wambereye agakiza.»
3Muzavoma amazi ku masoko y’agakiza, mwishimye,
4maze uwo munsi muvuge muti
«Nimushimire Uhoraho, murate izina rye,
nimwamamaze ibikorwa bye mu mahanga.
5Nimuririmbe Uhoraho, kuko yakoze ibintu by’agatangaza,
kandi mubyamamaze mu nsi hose.
6Rangurura ijwi uvuze impundu, wowe utuye i Siyoni,
kuko Nyirubutagatifu wa Israheli,
utuye iwawe rwagati, ari Igihangange.»
Kasalukuyang Napili:
Izayi 12: KBNT
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.