Madiu 17
17
Iesu i vemaigisivilavila
(Malika 9:2-13; Luke 9:28-36)
1'Aiata 6 i 'a'ava, mulieta Fita, Iemesa ma taina Ioni, Iesu i 'edakumesedi, 'aise'avadi i laka 'oyeye. 2I miamiani nika tovetutuyamavo matadie Iesu 'ana 'isa i vetuli, maigina i magetai inala bani'odi wata 'ana talauma 'adi lau'avu mataududulidi. 3I 'ise'iseni nika tomotoga 'adi 'ailuga i souyedi Iesu taiadi i veveifufu. Tomotoganidi Mosese wata Ilaitia, taunidi basenadiotoga Yaubada yana tolu'ivonavo. 4Fita i vona Iesu 'waineye i vo, 'Auvea, 'ima taiadi ta miamiani, nani 'atumaiotogina 'waimeye. 'Ai'edi nuanuamu lau'weta 'aitonu 'a na 'idewadi, tamu 'omu faifaimu, tamu Mosese, tamu Ilaitia."
5 #Nag 22:2; VeL 18:15; Sam 2:7; Ais 42:1; Mad 3:17, 12:18; Mak 1:11; Luk 3:22; 2Fi 1:17-18 Fita bola i veveifufu waowa mataududulina i mai i tavunidi, waowanina 'wainega bona i souyeni i vo, De'e Natuku nuafouku faifaina a sosoana bwaikina. Nuanuaku bonana 'wa na nogai." 6Tovetutuyamavo 'adi 'aitonu bonananina i nogaiga i kololo-'afo'afo i lumata'afufu. 7Iesu i mai i 'abitonovidi i vonedi i vo, Kebu 'wa na kolologa, 'wa tovoi." 8Tutuyanina i dadaga-lakata kebu tamu aitoi i da 'iseniga, Iesu 'aiseotogina.
9'Oyayega i obuobuma Iesu i velu'ase'asedi i vo, Naninidi 'wa 'isediga kebu tamu aitoi 'wa na voneniga, nagami yau a vetomotogaotoga wafayega a na tovoi, mulieta 'wa na lu'ivona."
10 #Mal 4:5 Yana tovetutuyamavo i velutolieni i vo, Awale ve'etoboda 'adi tovevo i vonaga i vo, Nagami Ilaitia i na mai, mulieta Yaubada 'ana Venua'ivina i na souyeni?>" 11Iesu yadi velutoli i tutuli i vo, Ava'ai i voneyeniga de'e mogitana, nagami Ilaitia i na mai Yaubada 'wainega, nani matatabuna i na 'ivenonogidi. 12#Mad 11:14 We'e a na vonemi, Ilaitia#17:12 Ilaitia tutulina siwe 'asa'aiana Ioni Tobafitaiso. 'akonadi i mai siwe tomotoga kebu i da 'isa'inanaiga, begaidi vitanidi nuanuadi i na veleniga mogitana i veleni. Wata bani'odi yau a vetomotogaotoga vita i na veleku." 13Nika tovetutuyamavo i nuani wata i 'asetai Ioni Tobafitaiso faifaina i vonavona.
Kwamana yaiaina i ageiga, Iesu i 'ive'atumaia
(Malika 9:14-27; Luke 9:37-43)
14Tutuyanina Iesu ma enavo i le'wai laube'uye 'aila'a 'waidie, tamu tomogo i mai ma yana ve'ililibu i 'odu Iesu mataneye. 15I voneni i vo, 'Auvea, natuku iavetana 'u da 'isanuakalikalieni. Tutuya fuedi i vavatu'oga wata i veveviga bwaikina. I be'ube'u 'ai 'ala'alaina 'waineye wata ufeye. 16A mieni yamu tovetutuyamavo 'waidie siwe kebu 'adi fata i na 'ive'atumaiaga." 17Iesu tomotoga i vonedi i vo, 'Omi tovekali. Awale Yaubada yana toketokena kebu 'wa da vetumaganeniga? Tutuya manamanawena taiadi ta miamia wata a totokemaigeku siwe kebu mogitana 'wa da vetumaganeku. Kwamananina 'wa mieni ta na 'iseni." 18Iesu yaiaina i voneni i 'awa'a'ia kwamana 'wainega nika i ve'atumai.
19Mulieta 'aise'avadie tovetutuyamavo Iesu i velutolieni i vo, Awale 'ima 'a vona yaiaina kebu i da 'awa'a'iaga?" 20#Mad 21:21; Mak 11:23; 1Ko 13:2 Iesu yadi vona i tutuli i vo, Fai bola yami vetumagana siaidi. A vona mogitana 'waimie, 'ai'edi yami vetumagana 'ana vebwaika bani'odi 'ayawana bilana siaina, 'ami fata 'wa da vona 'oya de'e 'waineye 'wa da vo, 'U tovoi 'u nago sino bei,> nika i da nago. We'e 'ai'edi yami vetumagana i na vevebwaika, nani matatabuna 'ami fata. 21#17:21 De'e kilumanina kebu i da 'eno'eno buki tuatuaiotogidi 'ifwaidi nagedie. Side yaiainanidi kebu 'adi fata i na 'awa'a'idi 'ana tugusa velu'ui toketokena 'wainega."
Iesu i vona-samula yana wafa faifaina
(Malika 9:30-32; Luke 9:43b-45)
22Tutuyanina Iesu ma yana tovetutuyamavo i miava'auta 'awalawa Galili 'waineye Iesu i vonedi i vo, 'Awaie yau a vetomotogaotoga tamu aitoi i na 'etogiluveku 'aku gaviavo 'waidie i na 'ive'aviniku. 23I na luvewafaku, siwe 'aiata 'ana vetonu 'waineye ma yawaiku Yaubada i na sivetovoiku." Tovetutuyamavo i nogai, nuadi i vita-'afo'afo.
Vanuga 'Eba Velu'ui 'ana takesi
24 #Sou 30:13, 38:26 Iesu ma yana tovetutuyamavo i maia 'atamana Kafaneomi, bei takesi Vanuga 'Eba Velu'ui faifaina 'ana tolaugogona i maia Fita 'waineye i velutolieni i vo, Yamu Tove, takesi Vanuga 'Eba Velu'ui faifaina, i yatoyato?" 25Fita i vo, E'e, i yatoyato."
Mulieta Fita i luku vanuge, bola kebu i da veifufuga, Iesu i vona-matayo'o i vo, Saimoni, 'u da nuani, fwayafwaya 'ana toveimea bwaikidi, nuanuadi egavo i na takesi? Taunidi natudiavo 'alo mali tomotoga?" 26Fita i vo, Mali tomotoga i na takesi." Iesu i voneni i vo, Vetuma yau fai Yaubada Natuna, kebu i da lubwaineku yana Vanuga 'Eba Velu'ui faifaina a na takesi. 27Siwe 'ai'edi takesinina yato a na bailaga, tolaugogonanidi a na 'ivebunumayagidi bega 'asa'aiana ta na yato. Nuanuaku 'u na nago lavuye, igananina nagami 'u na 'onaiga 'awanega mani 'u na 'ewai. Maninina 'omu wata yau yada yato 'ana 'etowava."
Kasalukuyang Napili:
Madiu 17: YML
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Copyright © 1984, 1988, 2025 Wycliffe Bible Translators, Inc., and SIL Papua New Guinea; CC-BY-ND-NC
Madiu 17
17
Iesu i vemaigisivilavila
(Malika 9:2-13; Luke 9:28-36)
1'Aiata 6 i 'a'ava, mulieta Fita, Iemesa ma taina Ioni, Iesu i 'edakumesedi, 'aise'avadi i laka 'oyeye. 2I miamiani nika tovetutuyamavo matadie Iesu 'ana 'isa i vetuli, maigina i magetai inala bani'odi wata 'ana talauma 'adi lau'avu mataududulidi. 3I 'ise'iseni nika tomotoga 'adi 'ailuga i souyedi Iesu taiadi i veveifufu. Tomotoganidi Mosese wata Ilaitia, taunidi basenadiotoga Yaubada yana tolu'ivonavo. 4Fita i vona Iesu 'waineye i vo, 'Auvea, 'ima taiadi ta miamiani, nani 'atumaiotogina 'waimeye. 'Ai'edi nuanuamu lau'weta 'aitonu 'a na 'idewadi, tamu 'omu faifaimu, tamu Mosese, tamu Ilaitia."
5 #Nag 22:2; VeL 18:15; Sam 2:7; Ais 42:1; Mad 3:17, 12:18; Mak 1:11; Luk 3:22; 2Fi 1:17-18 Fita bola i veveifufu waowa mataududulina i mai i tavunidi, waowanina 'wainega bona i souyeni i vo, De'e Natuku nuafouku faifaina a sosoana bwaikina. Nuanuaku bonana 'wa na nogai." 6Tovetutuyamavo 'adi 'aitonu bonananina i nogaiga i kololo-'afo'afo i lumata'afufu. 7Iesu i mai i 'abitonovidi i vonedi i vo, Kebu 'wa na kolologa, 'wa tovoi." 8Tutuyanina i dadaga-lakata kebu tamu aitoi i da 'iseniga, Iesu 'aiseotogina.
9'Oyayega i obuobuma Iesu i velu'ase'asedi i vo, Naninidi 'wa 'isediga kebu tamu aitoi 'wa na voneniga, nagami yau a vetomotogaotoga wafayega a na tovoi, mulieta 'wa na lu'ivona."
10 #Mal 4:5 Yana tovetutuyamavo i velutolieni i vo, Awale ve'etoboda 'adi tovevo i vonaga i vo, Nagami Ilaitia i na mai, mulieta Yaubada 'ana Venua'ivina i na souyeni?>" 11Iesu yadi velutoli i tutuli i vo, Ava'ai i voneyeniga de'e mogitana, nagami Ilaitia i na mai Yaubada 'wainega, nani matatabuna i na 'ivenonogidi. 12#Mad 11:14 We'e a na vonemi, Ilaitia#17:12 Ilaitia tutulina siwe 'asa'aiana Ioni Tobafitaiso. 'akonadi i mai siwe tomotoga kebu i da 'isa'inanaiga, begaidi vitanidi nuanuadi i na veleniga mogitana i veleni. Wata bani'odi yau a vetomotogaotoga vita i na veleku." 13Nika tovetutuyamavo i nuani wata i 'asetai Ioni Tobafitaiso faifaina i vonavona.
Kwamana yaiaina i ageiga, Iesu i 'ive'atumaia
(Malika 9:14-27; Luke 9:37-43)
14Tutuyanina Iesu ma enavo i le'wai laube'uye 'aila'a 'waidie, tamu tomogo i mai ma yana ve'ililibu i 'odu Iesu mataneye. 15I voneni i vo, 'Auvea, natuku iavetana 'u da 'isanuakalikalieni. Tutuya fuedi i vavatu'oga wata i veveviga bwaikina. I be'ube'u 'ai 'ala'alaina 'waineye wata ufeye. 16A mieni yamu tovetutuyamavo 'waidie siwe kebu 'adi fata i na 'ive'atumaiaga." 17Iesu tomotoga i vonedi i vo, 'Omi tovekali. Awale Yaubada yana toketokena kebu 'wa da vetumaganeniga? Tutuya manamanawena taiadi ta miamia wata a totokemaigeku siwe kebu mogitana 'wa da vetumaganeku. Kwamananina 'wa mieni ta na 'iseni." 18Iesu yaiaina i voneni i 'awa'a'ia kwamana 'wainega nika i ve'atumai.
19Mulieta 'aise'avadie tovetutuyamavo Iesu i velutolieni i vo, Awale 'ima 'a vona yaiaina kebu i da 'awa'a'iaga?" 20#Mad 21:21; Mak 11:23; 1Ko 13:2 Iesu yadi vona i tutuli i vo, Fai bola yami vetumagana siaidi. A vona mogitana 'waimie, 'ai'edi yami vetumagana 'ana vebwaika bani'odi 'ayawana bilana siaina, 'ami fata 'wa da vona 'oya de'e 'waineye 'wa da vo, 'U tovoi 'u nago sino bei,> nika i da nago. We'e 'ai'edi yami vetumagana i na vevebwaika, nani matatabuna 'ami fata. 21#17:21 De'e kilumanina kebu i da 'eno'eno buki tuatuaiotogidi 'ifwaidi nagedie. Side yaiainanidi kebu 'adi fata i na 'awa'a'idi 'ana tugusa velu'ui toketokena 'wainega."
Iesu i vona-samula yana wafa faifaina
(Malika 9:30-32; Luke 9:43b-45)
22Tutuyanina Iesu ma yana tovetutuyamavo i miava'auta 'awalawa Galili 'waineye Iesu i vonedi i vo, 'Awaie yau a vetomotogaotoga tamu aitoi i na 'etogiluveku 'aku gaviavo 'waidie i na 'ive'aviniku. 23I na luvewafaku, siwe 'aiata 'ana vetonu 'waineye ma yawaiku Yaubada i na sivetovoiku." Tovetutuyamavo i nogai, nuadi i vita-'afo'afo.
Vanuga 'Eba Velu'ui 'ana takesi
24 #Sou 30:13, 38:26 Iesu ma yana tovetutuyamavo i maia 'atamana Kafaneomi, bei takesi Vanuga 'Eba Velu'ui faifaina 'ana tolaugogona i maia Fita 'waineye i velutolieni i vo, Yamu Tove, takesi Vanuga 'Eba Velu'ui faifaina, i yatoyato?" 25Fita i vo, E'e, i yatoyato."
Mulieta Fita i luku vanuge, bola kebu i da veifufuga, Iesu i vona-matayo'o i vo, Saimoni, 'u da nuani, fwayafwaya 'ana toveimea bwaikidi, nuanuadi egavo i na takesi? Taunidi natudiavo 'alo mali tomotoga?" 26Fita i vo, Mali tomotoga i na takesi." Iesu i voneni i vo, Vetuma yau fai Yaubada Natuna, kebu i da lubwaineku yana Vanuga 'Eba Velu'ui faifaina a na takesi. 27Siwe 'ai'edi takesinina yato a na bailaga, tolaugogonanidi a na 'ivebunumayagidi bega 'asa'aiana ta na yato. Nuanuaku 'u na nago lavuye, igananina nagami 'u na 'onaiga 'awanega mani 'u na 'ewai. Maninina 'omu wata yau yada yato 'ana 'etowava."
Kasalukuyang Napili:
:
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Copyright © 1984, 1988, 2025 Wycliffe Bible Translators, Inc., and SIL Papua New Guinea; CC-BY-ND-NC