Mga Popular na Bersikulo sa Biblia mula sa Josué 6

Ibahagi

Ascano Ifo Diosin Josué yoini isca huaquin, —Un yonoa cuscan Jericó anoafocai miqui fotirofoma. Aton niaifo non aton ranushumuafo uhuunshon min ato cuyoshquin.

Ascano ahuun unutaqui aton manutifo fasi chai manuaifoanno nantifi yorafo oi ashcafinin cunatiroforan ishon. Nannori ato yoihuun. Ascan man manutifo fasi achacoin manuaino nantifi yorafo oi ashcafinin cunaino nan cunu Jericó tarati huaafo pacuriscashquin. Ascano min yorafo nantifi Jericó muran cayacafi iquishcaniran, —ishon nocon Ifo Diosin Josué yoini.

Min yora ranushumuafo futan osha mucu fustiti non mucu foshca fusti nan shafatifi Jericó tarati huaquin fusti huacahuun.

Focashon nan siete nocofunufo matohuunoa Ifo Diosi cufinmisifo yoihuu chashoan masho manuti nan tsomafo rucu foaifoanno acachori nan cashon Diospan tsain amuran nanua futsafoan fotirofo. Ascano ato cachori ranushumuafo fononfo. Ascano nan septimo dia shafa ato yoihuun aton yorafo futan Jericó siete tarati huayacucatan ato manutifo chaan chaan anifo.

Ascan pushu rasi Jericó anoafo Israelifoqui fasi musucani. Aton pushu rasi cunu cuyacoin tarati huayacuna. Nan cunu ahuun shoi caincaiti fupocoinnifo. Ascanocai tsoa iquiyamacai tsoaricai Jericó murannoashu chifi caintirofo inima.

Ahuun unutaqui nan nocofunufo Israelifohuunshon nocon Ifo Diosi cufinmisifoan aton manutifo manuaino Josué nantifi Israel futsafo yoini isca huaquin, —Natian nocon Ifoan nan pushu rasi Jericó noco inain. Ascacun oi ashcafinin cunacahuun.

Non nantifi Jericó murannoafo cuyonon. Nocon Ifo Diosin noco yonoa cuscacai non ahuara a murannoa fitiroma. Nocon yora rafutan Jericó muran noco oinshonaino nan ainfo furoma Rahab ato numa ahuun caifofoan ato achinonfoma. Ascacun Rahab ahuun yorafoya a fu ahuun pushu muran icafocai non rutuima.