Mga Popular na Bersikulo sa Biblia mula sa نامَه تیتوس 3

ولی وَختی که خَشِنِ نجات‌دَهندَمو خدا و مهربونیش اَسِی آدامیا، آشکار بو، آنا اُ اَما نجات اُشدَ، ولی اِ نجاتا وَخاطر کَرِی صالحی که اَما اَنجوم مُدَدِستاد، نِهاد، بلکه وَخاطر رحمتُش، و شُشتَئِه کَلبیامو هاد، که اُ واسطَهِ آنا روح کدّوس خدا، شُ اَما تولد تازه و زندگِنِ تازَه دَ. مِ روح کدّوسی که خدا اُ واسطَهِ نجات‌دَهندَمو عیسی مسیح، وَ فَراوونی شُ اَما عطا کِه، تا وَ فیض آنا صالح اُ حساب بِلگِم و طِبک امیدی که اُ زندگِنِ اَبَدی مُهَه، وارثیا بِبِم.

شُن یاد بیا که از حاکمیا و آنایاکِه صاحب مَکام و منصب هِت اطاعت بِکنِت، و فَرمو بِبرِت، و اَسِی هر کَر خَشی آمادَه بِت. دربارَهِ هِسکَه بَدگویی نِکنِت، اُ خوشو از جَر و مُرافِعَه دور بِکنِت، آروم بِت و خاد هَمَهِ مردم کاملاً وَ ملاحظَه رفتار بِکنِت.

ولی از جَر و جِنجالِی که از لِی نادونیه، از شجرَه‌نامَه‌یّا، از اختلافیا و جَر و مُرافِعَه دربارَهِ شریعت اُ خوت دور بِکو، اَسِی که اِ چِی‌یَه‌وا نِه فایدَه اُشَه و نِه کِراماند.

مِ کسی که جدایی اَبی، بعد از اِکِه یَک دَفَه و بعدُش دو دَفَه اُ آنا هشدار اُتدَ، رابطه‌اُت خاد آنا کَعط بِکو.