Mga Popular na Bersikulo sa Biblia mula sa रोमि 5

टर कानि हिङ्‌वा याॽमिचि लॆभॆटिरक्‍न कानिमि लागि सिखॆॽपिॽमाम् लागि निवाँहाङ्ऎ खिरिस्‍ट पाङ्‌हाङ्‌सु। ग योम्‍पक्‍बाङ् निवाँहाङ्ऎ कानि ऎॽवा नाम्‍नाम् पिसिकिहा लोमॆ खाङ्‌मिकि।

हाङ् कानिऎ लॆःॽमिम्‍पा आसऎ कानि हानाम्‍स ङेसिमाबि सिॽमिटिनि। मान्‍ठाभनॆ निवाँहाङ्ऎ सॆङ्‌सॆङॆ लावाबाङ् कानिमि लावाबि खोम् नाम्‍नाम् पिसिॽमॆ खानावाँ होडु म सॆङ्‌सॆङॆ लावा निवाँहाङ्ऎ कानि पिडि।

गरक्‍टे हॆॽनॆ टर कानि टाङ्‌पाम डुखाबि स चेन्‍चाकि मान्‍ठाभनॆ डुखाऎ हुङ्‌हिखुबा याॽमि मुकि लोमॆ कानिऎ ले। हाङ् हुङ्‌हिखुबा खानावाँऎ कानि नुचाऎ याॽमिचि मुकि हाङ् आक्‍क नुचाऎ खानावाँऎ कानि हङ्‌सि एक्‍क आस टिबिकि।

कानिऎ निवाँयुङ् लॆःॽमिम्‍पासॆ निवाँहाङ्ऎ कानि निवाँनेन याॽमि मुःॽडि। मसॆ येसु खिरिस्‍ट कानिमि पारभुऎ कानिमि लागि यिक्‍मिम्‍पा योम्‍पक्‍ऎ निवाँहाङ् नुङ् कानि टङ्‌चामिडि। येसु खिरिस्‍टऎ कानि कानिमि निवाँयुङ्‌बाङ् निवाँहाङ्‌मि नाम्‍नावाँ टक्‍चाखुबा याॽमिचि मुःडि। हाङ् ह सङ्‌क कानि ग नाम्‍नावाँबाङ्‌न हिङ्‌चाढाङ्‌डि। हाङ् कानिऎ सङ्‌क निवाँहाङ्‌मि निङ्‌लावा टक्‍चाकिन मिम्‍मानुङ् आस युङ्‌सॆ एट्‌टान चेन्‍चाकि।

कानिऎ टाङ्‌पॆ टाङ्‌पान हिङ्‌पक्‍मा माहेसि। मसॆ निवाँहाङ्ऎ लोमिम्‍पा लःबि खिरिस्‍ट टाआ हाङ् कानि हिङ्‌वा याॽमिचि हिङ्‌पॽमिॽमामि लागि खो सिखारा।

मसॆ चाइबान कानि खिरिस्‍टऎ निवाँहाङ्‌मि सिरिबाङ् हिङ्‌पॽमिकि मान्‍ठाभनॆ कानि खोसॆ अङ्‌मिॽमिम्‍पा हारिबाङ् निवाँहाङ्‌मि ङारिङ्‌पि निवाँनेन् याॽमि लिडि।

एक्‍क याॽमि आडमऎ निवाँहाङ्ऎ लोमिम्‍पा मान्‍खेमु मसॆ डिरिक् याॽमिचि हिङ्‌वा नुङ्‌मा लिसामि। आक्‍रहाङ्‌न एक्‍क याॽमि येसुऎ चाइ निवाँहाङ्ऎ लोमिम्‍पा खेमु मसॆ डिरिक् याॽमिचि निवाँहाङ्‌मि ङारिङ्‌पि निवाँनेन् लिसामि।

गरक्‍टे हॆॽनॆ, निवाँहाङ्ऎ कानि हाङ्‌हाङ् मिन्‍मॆ खानावाँ पिडि मान्‍ठाभनॆ कानिमि पारभु येसु खिरिस्‍टऎ ह कानि निवाँहाङ्‌मि लाङ्‌काम् मुडि।