Mga Popular na Bersikulo sa Biblia mula sa Exodus 7

A dyma’r ARGLWYDD yn dweud wrth Moses, “Bydda i’n dy wneud di fel ‘duw’ i’r Pharo, a dy frawd Aaron fel dy broffwyd.

Ond bydda i’n gwneud y Pharo’n ystyfnig. Bydda i’n gwneud lot fawr o arwyddion a gwyrthiau rhyfeddol yn yr Aifft, ond fydd y Pharo ddim yn gwrando. Felly bydda i’n taro’r Aifft, yn eu cosbi nhw’n llym, ac yn arwain fy mhobl Israel allan o’r wlad mewn rhengoedd trefnus.

Wedyn bydd pobl yr Aifft yn deall mai fi ydy’r ARGLWYDD pan fydda i’n taro’r Aifft ac yn arwain pobl Israel allan o’u gwlad nhw.”

Ond yna dyma’r Pharo yn galw am swynwyr doeth a chonsurwyr – dewiniaid yr Aifft, oedd yn gwneud yr un math o beth drwy hud a lledrith. Dyma nhw i gyd yn taflu eu ffyn ar lawr, a dyma’r ffyn yn troi’n nadroedd. Ond dyma ffon Aaron yn llyncu eu ffyn nhw i gyd!

Felly mae’r ARGLWYDD yn dweud: “Dyma sut rwyt ti’n mynd i ddeall mai fi ydy’r ARGLWYDD: Dw i’n mynd i daro dŵr afon Nîl gyda’r ffon yma, a bydd yn troi yn waed.

“Pan fydd y Pharo yn dweud, ‘Dangoswch wyrth i mi,’ dywed wrth Aaron am daflu ei ffon ar lawr o flaen y Pharo, a bydd y ffon yn troi’n neidr anferth.” Pan aeth Moses ac Aaron at y Pharo, dyma nhw’n gwneud yn union fel roedd yr ARGLWYDD wedi dweud. Dyma Aaron yn taflu ei ffon ar lawr o flaen y Pharo a’i swyddogion, a dyma’r ffon yn troi’n neidr anferth.