Mga Popular na Bersikulo sa Biblia mula sa Matthew 6

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Tua ahikom zing ciang atu in, thinngim heak vun; zing ciang in ama khom tu ma thinngimna nei tu hi. Ni sim hong piang thinngimnate belap kul ngawl hi.

“Na nuntak thei natu in, an le tuite ahizong, na pumpi atu in puante ahizong, tuate huvau thintoi heak vun, kong ci sia hisia hang ahi hi. Nuntakna sia an sangin manpha zaw kana ngawl ziam? Pumpi sia puan sangin manpha zaw kana ngawl ziam?

Ahihang no thu na nget uh ciangin, inndoi sungah tumin, inn na kha zawk uh ciang, a kimu thei ngawl, na Pa tungah thungen tavun. Tua hile noma ii heak bek a na ngamtatna uh hong mu na Pa in thaman hong pia tu hi.

Tua ahiciang hi bangin thu ngen vun: Vantung a om kote Pa awng: Na min thiangtho ki upat tahen; na Kumpingam hong piang tahen; Vantung ah na deina a kicin bangin Leitung ah kicing tahen.

Tu ni in ka khamkhop tu an hong pia ta in.

Ko tungah hong khialte ka maisak uh bangma, Kote khialna zongh hong maisak ta in.

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

“Ngual ii note tung a hong khialnate na maisak uh le, vantung a na Pa zongh in, note khialna zongh hong maisak tu hi.

A leang kawkoai vacimte en vun: amate in thai tu ngawl, anla ngawl a, saal sungah an khol ngawl hi; ahihang vantung ah na Pa in, amate vaak hi! Note sia vacimte sangin manpha mama zaw ngawl kana nu ziam?

“Na nei na lamh uhte, nget ii neak tu, a eakseau tu le ngutate in phuul a, a nguk theina, leitung ah noma atu in khol heak vun. Tua hi zaw ngawlin, na nei na lamh uhte, nget neak thei ngawl, eakseau thei ngawl ngutate in phuul a, a nguk thei ngawlna, vantung ah na khol vun. Banghang ziam cile na neisate omna munah na thin na lung uh om tu hi.

“Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Tuni in po a, zing ciang a bo tu meikhuk sung a kihal tu lopa — hi lopa a zeam sia Pathian hi. Ama in no hong zeam zaw tu ahi sia muang ngawl nu ziam? Na nei uh upna sia bangza in no ziam!

Ahihang a cimaw khat na hu uh ciangin, na lawm phabel khat zongh in hesak heak vun. Tuasia ciangin kuama in hong heakpui ngawl tu hi. Tuaciang a kilangh ngawl a, na nasep hong mu, na Pa in thaman hong pia tu hi.

“Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi. An na tan uh ciang, na mai uh phiatin na sam uh pot vun, tua hi le na antan uh hunlam ngualdang in hong he tuan ngawlin, a kimu ngawl na Pa bek in hong he tu hi. Tuaciang, nangma bek heak a na ngamtat sia na Pa in, hong mu tu a, thaman hong pia tu hi.