Mga Popular na Bersikulo sa Biblia mula sa Madiu 27

Ibahagi

'Awasasanina 'waineye Iesu i toke i vegole me Diu bonadiega i vo, Iloi, Iloi, lema sabakitani," 'ana saivila i vo, Yaku Yaubada, yaku Yaubada, awale 'u bailaotogeku?"

Vanuga 'Eba Velu'ui nageneye tamu saiboda kaleko badubaduna 'wainega Yaubada yana tutudaba tabutabuotogina i sisibodai. Tutuyanina Iesu yawaina i 'a'avaga saibodanina i 'anilabu'alugedi, tabwanega i obu dibuneye. Yoyoyo i yue, kileu i 'anifuadi wata taumata 'ifwaidi i si'ididi, Yaubada yana tomotoga 'atumaidi basenadi i wafaga, fuedi i yawasa.

Wata Iesu i toke i vegole, 'anu'anununa i tauyeni nika yawaina i 'awatagoni.

We'e tolugaviavo ma yadi to'edakumeta 'ai lagalagana lilivaneye i tovoi i 'ise'iseni, nika yoyoyo i yue, dudubala wata nani 'ifwaidi i 'isedi i kololo bwaikina i ve'awamogitana i vo, Vona mogitana, taunina Yaubada Natuna."

'Aiata 'ana utukamwana 'waineye fwayafwaya matatabuna i dudubali, i nagoga 'ana tugusa lavilavie 3 kiloki i magetai.

Wata Failato i velutoliedi i vo, We'e Iesu, kumanina i golegoleni Keliso, bani'odi a na munegi?" I vo, 'U tutufwaseni 'ai lagalagana 'waineye." Nika Failato i velutoli-vaituganedi i vo, Yana sakona ava'ai?" Siwe tomotoga i toke i vegolegole i vo, 'U tutufwaseni 'ai lagalagana 'waineye."