Matiyu 28:12-15

She apirisiti atukwoda ɓə yezhi ɓədo n abyedai ɓa pakwúlu, ɓa ga abagwuyi gyiwye yaakwo, ɓai gna ɓa, “Fye da aza nge, ‘Əwo amwutuyi ɓəə ɓe n sukwoi ɓa wo wyi, yii kwu wnagye.’ N anabagyi ye ɓə ló gwomna tnubwa, yi kpe əɓo əye lo ń yi ɓə gna wo, ya kwnu fye ya ń azhnìgye.” Ntulonu abagwuyi ɓa gwo gyiwye, ɓa zhni shi a ɓə gna ɓa. Jesnu anabagyi ye ɓaa gnamyiya fyi ń Ayahudiyi, nya nyipyei ye.